España
O ciclo ‘Cancienes a Escena’ entrégase á lingua asturiana
A cuarta edición do ciclo teatral ‘Cancienes a escena’, que se celebra no centro social de Cancienes, reafirma os seus contidos en lingua asturiana para a edición deste ano.
Fonte: El Comercio
O Instituto Navarro de Promoción de Estudos Sociais volve organizar talleres infantís en éuscaro
O Instituto Navarro de Promoción de Estudos Sociais IPES Elkartea volverá organizar o próximo mes de agosto os seus talleres infantís en éuscaro, co fin de que rapaces que estudaron no mínimo un curso no modelo D reforcen o idioma no verán mentres se divirten.
Fonte: 20 minutos
A Comunidade Valenciana esixirá un nivel de lingua B2 a partir do curso 2013-2014 para impartir materias en lingua estranxeira
A Consellería de Educación Valenciana esixirá, a partir do curso 2013-2014, un nivel de coñecemento equivalente ao B2 do Marco Común Europeo das Linguas, tanto aos docentes de Infantil e Primaria como aos de Secundaria, para impartir materias noutros idiomas como o inglés.
Fonte: Europa Press
O partido Conceyu Abiertu pretende regular o uso de asturiano no concello de Noreña
O partido Conceyu Abiertu por Noreña presentará ante o pleno municipal da vila unha proposta de ordenanza para o uso da lingua asturiana no concello.
Fonte: La Nueva España
San Sebastián celebrará a primeira feira de empresas con servizos en éuscaro
O Kursaal de San Sebastián acollerá ‘Empresarean’, a primeira feira de empresas que ofrecen os seus servizos en éuscaro, cuxo obxectivo é promover as relacións entre compañías dos mesmos ou diferentes sectores, compartir experiencias e ser punto de encontro para coñecer a novos provedores.
Fonte: Diario Vasco
A metade dos habitantes de Zarautz utilizan o éuscaro na rúa
Segundo os datos recollidos nunha medición realizada en outono nas rúas, o uso do éuscaro en Zarautz é do 50%. A metade dos zarautzarras utilizan o éuscaro de forma habitual, aínda que a porcentaxe de falantes de euskera é 20 puntos máis elevado, dun 70,1%.
Fonte: Diario Vasco
O Goberno de Navarra publica na súa web a versión en éuscaro de Lex Navarra
O Goberno de Navarra publicou no seu portal web (www.navarra.es) a versión en éuscaro de Lex Navarra, un catálogo que compila as normas políticas e administrativas da Comunidade Foral, permanentemente actualizadas.
Fonte: ABC
O Tribunal Supremo equipara o catalán e o valenciano
O catalán e o valenciano son o mesmo. Ou, polo menos, sono para o Tribunal Supremo, quen recoñeceu a unidade da lingua e a equivalencia entre as denominacións de catalán e valenciano.
Fonte: ABC
A conselleira asturiana de Educación asturiana propón o recoñecemento do profesorado en lingua asturiana
A conselleira asturiana de Educación, Cultura e Deporte, Ana González Rodríguez, propuxo a posibilidade de que o Principado “recoñeza o profesorado de lingua asturiana" como unha figura específica dentro do ámbito docente.
Fonte: 20 minutos
A nova lei de linguas eliminará a normalización do uso do catalán en Aragón
A nova Lei de linguas de Aragón recollerá e protexerá a pluralidade lingüística da comunidade en dúas zonas concretas –Pireneos e área oriental-, pero elimina do documento a normalización do uso do catalán.
Fonte: El Correo
Boletín
Subscríbase ao boletín
