España
O Consello Escolar do Estado aproba a especialidade docente de Lingua Asturiana
O Consello Escolar do Estado –no que está representada toda a comunidade educativa (profesores, pais e nais do alumnado)- aprobou a creación da especialidade docente de Lingua Asturiana, unha histórica reivindicación na comunidade autónoma, especialmente do movemento asturianista.
Fonte: El Comercio
Celebran unha nova edición da Festa Estellés, que honra a lingua e cultura valencianas
A cuarta edición da Festa Estellés na Alcudia foi unha celebración da lingua e cultura valencianas en honor ao xornalista, escritor e poeta valenciano Vicent Andrés Estellés.
Fonte: Las Provincias
Presentan no Festival de Cine de San Sebastián ‘Loreak’, o primeiro filme en éuscaro que opta á Concha de Ouro
Un toque feminino de tres enormes mulleres vascas que, “aínda que elas non o crean, se parecen”, explica tras a presentación da película no festival un dos codirectores do filme, Jon Garaño, que xunto a Jose Mari Goneaga conseguiron que este certame seleccione por primeira vez unha película rodada en éuscaro na competición pola Concha de Ouro.
Fonte: 20 Minutos
O Senado reduce un 5,7 % o orzamento para traducir as linguas cooficiais ao castelán
O proxecto de orzamento da Cámara Alta, que será aprobado no Consello de Ministros, reduce o importe desta partida un 5,7 % con respecto ao exercicio anterior.
Fonte: Voz Pópuli
O Instituto de Estudos Eivisencos denuncia que os concellos son neglixentes co catalán
O Instituto de Estudos Eivisencos quere que o Goberno insular tome cartas na «inobxetable abandono» da que acusa a Administración pública «no mantemento da presenza do catalán» nos ámbitos da súa competencia.
Fonte: Diario de Ibiza
O Goberno vasco impulsa un plan para paliar o “baixo nivel” de éuscaro na Ertzaintza
O 62 % dos axentes non domina o idioma e o Executivo pretende que sexa “requisito” no futuro para acceder á Policía autonómica.
Fonte: El Correo
O Servizo Vasco de Saúde quere reforzar o nivel de éuscaro das bolsas de substitutos
O director de Dereitos Humanos de Osakidetza, José María Armentia, explicou que traballa nun proxecto para ofrecerlles aos profesionais que conforman as bolsas de traballo a posibilidade de mellorar o seu nivel de éuscaro co fin de cubrir as substitucións co persoal bilingüe.
Fonte: ABC
Destinan 379 864 euros para organizar actividades artísticas e culturais en castelán e éuscaro en Pamplona
O Concello de Pamplona xa aprobou as bases das convocatorias de axudas para a organización de actividades artísticas e culturais tanto en castelán como en éuscaro.
Fonte: Pamplona Actual
A Dirección Xeral de Política Lingüística difunde un vídeo sobre o catalán subtitulado en 18 linguas
Coincidindo co Día Europeo das Linguas 2014, a Dirección Xeral de Política Lingüística difundirá o vídeo “O catalán, lingua para todos” subtitulado en 18 linguas. O vídeo mostra o catalán como lingua moderna, competitiva e aberta ao mundo en diálogo con outras linguas a partir de datos sobre a situación actual e a evolución que fixo nos últimos anos.
Fonte: Generalitat de Cataluña
O Concello asturiano de Castrillón ten xa servizo de normalización do asturiano
O Concello de Castrillón acaba de pór en funcionamento o Servizo de Normalización Lingüística, un servizo público a disposición de toda a cidadanía que ten por obxecto promover e facilitar o uso do asturiano na institución municipal e entre os veciños do municipio.
Fonte: Asturnews
Boletín
Subscríbase ao boletín
