España
As institucións chaman a usar o éuscaro a diario e tamén en internet na celebración do Día do Éuscaro
As institucións vascas volcáronse na celebración do Día Internacional do Éuscaro e pedírolle á cidadanía que fale esta lingua “os 365 días ao ano” e que impulse a súa presenza en internet a través do dominio “.eus”.
Fonte: ABC
A conmemoración do Día do Éuscaro pasou practicamente desapercibida en Navarra
No marco das celebracións do Día de Navarra, Día Internacional das Persoas con Discapacidade, día de San Francisco Xabier, chama a atención a escasa, por non dicir ningunha, relevancia que tivo o Día Internacional do Éuscaro. A excepción dun par de citas case testemuñais (unha organizada pola Fundación Orreaga e outra por Nabarralde) a conmemoración pasou desapercibida en Navarra, non así na Comunidade Autónoma Vasca.
Fonte: Noticias de Navarra
Os xuíces redactaron en catalán só o 12 % das sentenzas ditadas en 2013
Só un 12,4 % das sentenzas xudiciais ditadas no ano 2013 en Cataluña redactouse en catalán, segundo un informe do Consello da Avogacía Catalá, que amosa que segue caendo o uso desta lingua na Administración da Xustiza, pasando en nove anos do 20 ao 12 %.
Fonte: La Información
O Concello de Barakaldo repartirá 93 axudas para o estudo do éuscaro que suman máis de 25 000 euros
O Concello de Barakaldo (Biscaia) repartirá 93 axudas para o estudo do éuscaro, que suman mais de 25 000 euros e non poderán superar o máximo estipulado na normativa de axudas, que é de 545 euros por persoa empadroada no municipio.
Fonte: 20 minutos
Crece un 40 % o número de comercios adheridos á campaña “E ti, xogas en catalán?”
A nova edición da campaña “E ti, xogas en catalán?” comeza con cifras moi positivas: xa son máis de 377 os comercios que se adheriron, un 40 % máis có ano pasado a estas alturas. Tendo en conta que a campaña segue aberta, espérase que a cifra final supere os 400 establecementos adheridos.
Fonte: Generalitat de Cataluña
O Goberno vasco destinará 774 000 euros para garantir a xustiza en éuscaro
O Goberno vasco destinará 774 000 euros para poñer a disposición de todos os profesionais xurídicos que traballan en Euskadi as ferramentas necesarias para que poidan exercer o seu traballo integramente en éuscaro.
Fonte: El País
O Departamento navarro de Saúde implanta un sistema de videointerpretación da lingua de signos
O Departamento de Saúde do Goberno de Navarra vai implantar no Hospital Reina Sofía de Tudela un sistema de videointerpretación da lingua de signos co fin de favorecer a accesibilidade á información e á comunicación das persoas xordas e favorecer a igualdade de oportunidades deste colectivo no acceso á saúde.
Fonte: La Información
Esíxenlle ao Goberno balear que “garanta” a recepción de canles en lingua catalá
O deputado do grupo MÉS, Nel Martí, instou o Goberno balear a que garanta a recepción das canles de televisión en lingua catalá nas illas Baleares, cuxa emisión está en perigo ante a inminente repartición de frecuencias realizada polo Goberno.
Fonte: 20 minutos
O catalán como lingua habitual é maioritario nas Terras do Ebro e sitúa este territorio por riba da media catalá
A porcentaxe de catalán como lingua habitual é maioritaria nas Terras do Ebro e sitúa este territorio por riba da media catalá. Ademais, o coñecemento da lingua catalá aumentou nos últimos anos no ámbito territorial das Terras do Ebro. Un total de 33 453 persoas que non o tiñan como lingua inicial cando eran pequenos, saben falalo actualmente.
Fonte: Generalitat de Cataluña
A Junta de Andalucía subvencionou 6270 servizos de interpretación de lingua de signos en 2013
A Junta de Andalucía subvencionou en 2013 un total de 6270 servizos de interpretación de lingua de signos a unha 1114 persoas no ámbito da saúde, os servizos sociais, actos privados ou públicos, comisarías de policía, xestións administrativas e comunidades de veciños, entre outros.
Fonte: Te Interesa
Boletín
Subscríbase ao boletín
