O conselleiro de Educación do Goberno de Navarra, José Iribas, puxo de manifesto que “o incremento da poboación bilingüe (castelán-éuscaro) é unha realidade, sobre todo nas idades novas”, pero que “se constata que hai un escaso reflexo no uso do éuscaro en casa”.

Fonte: Noticias de Navarra

O teléfono 016 xa é accesible para mulleres maltratadas con discapacidade auditiva, a través dunha plataforma de videointerpretación en lingua de signos. Durante a presentación deste novo servizo, a secretaria de Estado de Servizos Sociais e Igualdade, Susana Camarero, destacou que son maiores as trabas coas que as que se enfrontan as maltratadas con discapacidade para romper o círculo da violencia de xénero.

Fonte: RTVE

Durante a Segunda Guerra Mundial, o éuscaro foi un dos idiomas escollidos como código de comunicación de guerra por parte do Exército americano para enganar o seu inimigo xaponés.

Fonte: EiTB

O 10 % dos abonados a CANAL + en Cataluña usa o servizo de subtítulos en catalán, froito dun acordo cuxa finalidade é aumentar a oferta de cine con subtítulos nesta lingua.

Fonte: Generalitat de Cataluña

O III Congreso das Linguas Indíxenas de Chile terá a Euskadi e o éuscaro como país e lingua convidados.

Fonte: 20 minutos

Os internautas elixiron a emisión da serie infantil ‘Os Bolechas’ dobrada ao asturiano como a mellor nova do ano para esta lingua.

Fonte: Asturnews

HABE, organismo de alfabetización e euscaldunización de adultos, ten acordos con 80 colectivos vascos de todo o mundo que permiten que arredor de 2200 persoas aprendan éuscaro.

Fonte: ABC

Con esta reclamación preténdese que o profesorado desta materia estea nas mesmas condicións que os docentes que imparten outras especialidades.

Fonte: El Comercio

O obxectivo da campaña é difundir entre a poboación a idea de que o único topónimo oficial é Vila-real.

Fonte: Levante-emv

O inglés desbancou por primeira vez en 2014 ao francés como segunda lingua á que máis se traduce a literatura catalá, despois do español.

Fonte: La Vanguardia