Tras a acción dos manteis, o Servizo de Éuscaro do Concello de Gasteiz volve á carga esta vez da man da Deputación, Cafés La Brasileña e Artez, coa repartición de máis dun millón de sobres de azucre que levan impreso o lema Giro Onean (En bo ambiente).

Fonte: Noticias de Álava

A Universidade Pablo de Olavide (UPO) de Sevilla asinou un convenio de colaboración co Real Padroado sobre Discapacidade, a través do Centro de Normalización Lingüística da Lingua de Signos Española, para fomentar a normalización e normativización da investigación da lingua de signos española nas aulas.

Fonte: La Información

Un 36,4 % da xuventude catalá de entre 15 e 30 anos utiliza o catalán como lingua habitual, respecto ao 31,5 % de 2008, o que supón un cambio de tendencia despois do “forte descenso” sufrido entre 2003 e 2008, destacou o conselleiro de Cultura da Generalitat, Ferran Mascarell, na presentación do Informe de Política Lingüística 2013.

Fonte: La Vanguardia

A terceira edición de Berbagunea reunirá en AlhóndigaBilbao a preto de 2000 euscaldúns e estudantes de éuscaro que conversarán nesta lingua sobre diversos temas como libros, deporte ou ocio.

Fonte: Deia

Á iniciativa adheríronse seis rexistradores de dominios. Esta dobre promoción da Fundación puntCAT pon novamente de manifesto que o prezo deixou de ser un impedimento no rexistro dun dominio .cat, que igualou custos con outros dominios de maior antigüidade, como poden ser o .es e o .com.

Fonte: Generalitat de Cataluña

O Concello do val de Egüés asinou o convenio con Mintzakide, formado en 2004 para promover a aprendizaxe do éuscaro con grupos de conversa entre estudantes do idioma e persoas que o teñen como lingua materna.

Fonte: Diario de Navarra

Ano tras ano nenos e mozos de Galdames e municipios limítrofes divírtense mentres falan en éuscaro fóra de clase, e este outono non é unha excepción. As preto de trinta prazas do programa Udazkena Euskaraz que oferta a Área de Cultura do Concello para participantes empadroados e outros aspirantes que residen fóra aos que se lles ofrecen os sitios vacantes esgotáronse con vistas ao comezo das actividades.

Fonte: Deia

Un total de 25 351 persoas matriculouse este curso nos diferentes euskaltegis vascos para aprender éuscaro ou melloralo, o que supón un 1,20 % máis que o curso anterior, incremento que, tras o estancamento do curso pasado, inverte o descenso continuado dos tres anos anteriores.

Fonte: Diario Vasco

O ministro recoñeceu que é necesario "fomentar o coñecemento cruzado" das distintas linguas para mellorar "as estratexias de cooperación cultural" entre as comunidades.

Fonte: Galicia Hoxe

Sindicatos docentes e a entidade cívica Escola Valenciana pediron a retirada da orde pola que se desenvolve o procedemento de autorización do proxecto lingüístico de centro, que se ampara no Decreto 127/2012 que regula o plurilingüismo na Comunidade Valenciana e foi tratado na Mesa Sectorial de Educación.

Fonte: La Vanguardia