España
A vila navarra de Falces celebrará unha festa para promover o éuscaro
O concello navarro de Falces vai celebrar unha festa na vila para reivindicar con esta o dereito a vivir e estudar en éuscaro.
Fonte: Noticias de Navarra
A patronal de micro, pequenas e medianas empresas de Cataluña dá a coñecer proxectos de fomento do catalán nas empresas
A patronal de micro, pequenas e medianas empresas de Cataluña organizou un concurso para dar a coñecer as mellores iniciativas empresariais que teñen como obxectivo o fomento da lingua catalá.
Fonte: Generalitat de Cataluña
Convocan axudas para a promoción social do valenciano
A Consellería de Educación, Cultura e Deporte da Generalitat Valenciana convocou axudas co obxectivo de fomentar a lingua valenciana no ámbito social, comercial e industrial.
Fonte: Las Provincias
Fomentan as publicacións en catalán e castelán en Menorca
O Goberno de Menorca destinará 7000 euros para a promoción de publicacións en castelán e catalán.
Fonte: El Mundo
Propoñen multar con ata 6000 euros as empresas que non ofrezan servizo de atención en éuscaro
A formación política vasca EH Bildu presentou unha proposición de lei para garantir a atención ao público en éuscaro. Con esta lei, as empresas que non ofrezan este servizo recibirán multa de ata 6000 euros.
Fonte: Cadena Ser
A Generalitat de Cataluña convoca un galardón para premiar as iniciativas de fomento da lingua de signos catalá
A Generalitat de Cataluña publicou a orde de creación do premio LSC de fomento da lingua de signos catalá, que recoñecerá os esforzos por promover esta lingua.
Fonte: Generalitat de Cataluña
Impúlsanse varias iniciativas para fomentar a lingua catalá nas empresas
O Departamento de Cultura da Generalitat de Cataluña presentou as novas iniciativas pertencentes á campaña “Catalán e empresa, xa estás ao día?”, que buscan aumentar o uso desta lingua no sector empresarial.
Fonte: Generalitat de Cataluña
Convocan o primeiro concurso de micropoemas en asturiano en Twitter
Iniciativa polo Asturiano convocou o primeiro concurso de micropoemas escritos en asturiano en Twitter co obxectivo de promover esta lingua e celebrar o Día Internacional da Poesía.
Fonte: El Día
A carreira en favor do éuscaro parte de Navarra para percorrer máis de dous mil quilómetros ata chegar a Bilbao
A vila navarra de Urepele encheuse no inicio da carreira en favor do éuscaro, Korrika 2015, que percorrerá un total de 2161 quilómetros antes de chegar a Bilbao.
Fonte: Naiz
Varias entidades asinan un convenio co Concello de Lezo para fomentar o emprego do éuscaro
Nove entidades de Lezo asinaron un acordo co Concello para fomentar o emprego do éuscaro nas súas actividades.
Fonte: Diario Vasco
Boletín
Subscríbase ao boletín
