China será o principal país de promoción da lingua e a cultura catalás no exterior en 2015, como parte do programa de actividades do instituto Ramón Llull.

Fonte: La Vanguardia

A asociación Iniciativa polo Asturiano celebrou un acto para lembrar o aniversario do primeiro libro escrito en asturiano e lamentou o esquecemento desta data sinalada por parte das autoridades rexionais.

Fonte: La Nueva España

O Parlamento canario asinou un acordo coa Academia Canaria da Lingua para impulsar esta variedade dialectal e recibir asesoramento sobre o seu uso.

Fonte: 20 minutos

A Lei Municipal de Euskadi permitiralles aos concellos emitir documentos redactados unicamente en éuscaro.

Fonte: El País

“Llegir per parlar, llegar per aprendre” é unha publicación en liña do Departamento de Cultura de Cataluña que busca promover a lectura en catalán entre a poboación adulta.

Fonte: Generalitat de Cataluña

A Generalitat valenciana outorgoulle un premio de promoción do valenciano á asociación cultural Gaiata 14 por redactar nesta lingua os libretos das festas da Magdalena.

Fonte: ABC

A asociación Iniciativa polo Asturiano reclámalle ao Concello de Mieres que volva poñer en marcha o Servizo de Normalización lingüística que interrompeu hai dous meses.

Fonte: Infoasturies

O concello de San Martín do Rei Aurelio vai celebrar a cuarta edición do seu concurso de tortillas, no que todos os carteis e papeis publicitarios están redactados en asturiano.

Fonte: Asturnews

Como parte das súas accións de promoción do éuscaro, o Concello de Errenteria organizou unha campaña que busca o uso desta lingua nos comercios da localidade.

Fonte: Diario Vasco

A sétima edición das Xornadas Martín Sarmiento, nas que a Consellería de Cultura, Educación e Ordenación Universitaria colabora coa Comisión Cultural Martín Sarmiento, congregaron en Vilafranca do Bierzo os máis de mil escolares de ensino primario e secundario que estudan lingua e cultura galegas no Bierzo e Sanabria.

Fonte: Xunta de Galicia