España
Entréganse os premios do concurso de anuncios en éuscaro
O concurso Euspot de anuncios en éuscaro celebrou a súa cerimonia de entrega de premios na que se entregaron os galardóns que ascenderon a mil euros. Esta edición contou con 35 traballos presentados e o intento de chegar á poboación nova.
Fonte: Diario Vasco
O éuscaro será a lingua principal de traballo en catro departamentos do Concello de Donostia
As áreas de Igualdade, Participación Cidadá, Educación e Servizo de Éuscaro adoptarán o éuscaro como lingua principal de traballo, o que implica que a partir de agora, toda comunicación con outros departamentos se realizará nesta lingua.
Fonte: Diario Vasco
Estremadura establece o número de materias impartidas en lingua estranxeira nas sección bilingües
O Goberno de Estremadura fixo público o número de materias que os centros educativos de Educación Infantil e Primaria terán que impartir noutra lingua para poder ser considerados bilingües. No caso de Infantil serán o 20 % do total das súas materias, e en Primaria, o 40 %.
Fonte: El Diario
Piden que o teléfono de emerxencias 112 incorpore a lingua de signos
A Confederación Estatal de Persoas Xordas, CNSE, reivindicou a incorporación da lingua de signos ao servizo telefónico de emerxencias, para facilitar a súa accesibilidade.
Fonte: Discapnet
O catalán non poderá ser lingua de uso preferente nas Deputacións de Girona e Lleida
O Tribunal Supremo avalou a decisión do Tribunal Superior de Xustiza de Cataluña de non considerar o catalán como lingua de uso preferente nas Deputacións provinciais de Girona e Lleida tal e como establecían os seus regulamentos.
Fonte: El Periódico
O Concello de Andoain pon en marcha un programa para fomentar o éuscaro no ámbito laboral
O Concello de Andoain, xunto coa asociación Banaiz Bagara, vai poñer en marcha un novo programa de fomento do éuscaro que buscará impulsar o uso desta lingua no ámbito laboral.
Fonte: Diario Vasco
A reivindicación pola oficialidade do asturiano acada 1 600 000 impresións en Twitter
Iniciativa polo Asturiano cifrou en 1 600 000 as impresións en Twitter do hashtag pola oficialidade do asturiano realizadas o mesmo día en que se celebraron manifestacións a favor da promoción desta lingua no Principado.
Fonte: Asturnews
A demanda de prazas en éuscaro para nenos entre 0 e 3 anos supera a oferta das escolas en Pamplona
As únicas dúas escolas infantís de Pamplona que ofrecen prazas en éuscaro reciben un número de solicitudes de escolarización moi superior ás prazas que teñen dispoñibles. En concreto, queda fóra un de cada catro nenos.
Fonte: Noticias de Navarra
Un acordo entre a Generalitat e a Deputación de Barcelona promoverá o catalán nas empresas
O Departamento de Cultura do Goberno catalán e a Deputación de Barcelona asinaron un acordo para fomentar o catalán, especialmente nas empresas, que consistirá en 1125 horas de formación nos centros de promoción económica locais.
Fonte: Generalitat de Cataluña
Reclaman maior presenza do asturiano na televisión pública de Asturias
A Xunta pola Defensa da Lingua Asturiana reclamou unha maior presenza da lingua asturiana na televisión pública de Asturias, dado que ata agora a súa presenza é de tipo anecdótico e non regular.
Fonte: Asturnews
Boletín
Subscríbase ao boletín
