España
O Departamento de Cultura de Cataluña publica en liña un documento para promover a lectura en catalán entre os adultos
“Llegir per parlar, llegar per aprendre” é unha publicación en liña do Departamento de Cultura de Cataluña que busca promover a lectura en catalán entre a poboación adulta.
Fonte: Generalitat de Cataluña
O Goberno valenciano outórgalle o premio de promoción do valenciano á asociación cultural Gaiata 14
A Generalitat valenciana outorgoulle un premio de promoción do valenciano á asociación cultural Gaiata 14 por redactar nesta lingua os libretos das festas da Magdalena.
Fonte: ABC
Reclaman que se volva poñer en marcha o Servizo de Normalización Lingüística no Concello de Mieres
A asociación Iniciativa polo Asturiano reclámalle ao Concello de Mieres que volva poñer en marcha o Servizo de Normalización lingüística que interrompeu hai dous meses.
Fonte: Infoasturies
Un concello de Asturias celebra un concurso gastronómico con carteis redactados integramente en asturiano
O concello de San Martín do Rei Aurelio vai celebrar a cuarta edición do seu concurso de tortillas, no que todos os carteis e papeis publicitarios están redactados en asturiano.
Fonte: Asturnews
O Concello de Errenteria organiza unha campaña para promover o éuscaro nos comercios
Como parte das súas accións de promoción do éuscaro, o Concello de Errenteria organizou unha campaña que busca o uso desta lingua nos comercios da localidade.
Fonte: Diario Vasco
As VII Xornadas Martín Sarmiento congregan os máis de mil escolares que aprenden lingua e cultura galegas no Bierzo e Sanabria
A sétima edición das Xornadas Martín Sarmiento, nas que a Consellería de Cultura, Educación e Ordenación Universitaria colabora coa Comisión Cultural Martín Sarmiento, congregaron en Vilafranca do Bierzo os máis de mil escolares de ensino primario e secundario que estudan lingua e cultura galegas no Bierzo e Sanabria.
Fonte: Xunta de Galicia
Unha nova aplicación móbil en éuscaro reivindica mulleres de éxito na historia
O xogo tipo trivial consiste en preguntas sobre mulleres que deixaron a súa pegada na historia e todas as preguntas están redactadas en éuscaro.
Fonte: El País
Suspenden o programa de radio en galego Lonxe da Terra, que se emitía en Cataluña e Andorra
O programa Lonxe da Terra era o terceiro máis antigo en lingua galega e servía como punto de contacto entre os galegos de Cataluña e Andorra.
Fonte: La Región Internacional
Unha organización valenciana pide a igualdade lingüística entre valenciano e castelán
A organización Acción Cultural do País Valenciano solicitou mediante un documento con propostas de mellora a igualdade lingüística entre valenciano e castelán na Comunidade.
Fonte: La Vanguardia
A promoción do éuscaro nas facturas emitidas por empresas divide o Concello navarro de Baztán
A nova medida do consistorio navarro de Baztán de incluír o éuscaro nas facturas emitidas polas empresas para promover o uso desta lingua non foi ben acollida por algúns concelleiros da corporación, que a consideran unha imposición.
Fonte: Diario de Navarra
Boletín
Subscríbase ao boletín
