España
Diferentes actividades conmemorarán o Día das Linguas de Signos na Comunidade Valenciana
A Comunidade Valenciana celebrará o Día das Linguas de Signos con diferentes actividades programadas en varias localidades. O obxectivo é concienciar a poboación sobre estas linguas.
Fonte: El Periodic
A Consellería de Educación de Asturias inicia unha campaña para aumentar as matriculacións en asturiano
A Consellería de Educación, Cultura e Deporte de Asturias puxo en marcha unha campaña para que os escolares se matriculen na materia de lingua asturiana, co obxectivo de fomentar o seu uso e darlle maior visibilidade.
Fonte: Asturnews
A localidade vasca de Dulantzi celebra un acto para país e fillos a favor do éuscaro
A festa Euskal Jaia celebrada no concello de Dulantzi congregou a país e nenos que se reuniron na localidade para reivindicar o éuscaro e a súa cultura, baixo o lema “sinte, pensa e actúa”.
Fonte: Noticias de Álava
As persoas xordas celebran o Día da Lingua de Signos para reivindicar a súa importancia
O Día da Lingua de Signos celebrouse por primeira vez en España para reivindicar esta lingua e a súa importancia, xa que a falan máis de 70 000 persoas e é esencial para a integración das persoas xordas na sociedade.
Fonte: La Vanguardia
Crean un xogo de Trivial en liña en éuscaro, castelán e inglés
Tribual é un xogo tipo Trivial en liña creado por unha empresa vasca que se pode descargar para móbiles en tres linguas diferentes (éuscaro, castelán e inglés) e que xa conta con máis de 1500 descargas.
Fonte: EITB
Concelleiros de máis de vinte concellos de Asturias xuran os seus cargos en asturiano
En resposta a unha campaña de Iniciativa polo Asturiano, concelleiros de máis de vinte concellos de Asturias xuraron os seus novos cargos en lingua asturiana, o que consideran un éxito desde a organización.
Fonte: Asturnews
Crean un novo premio de novela en catalán para descubrir novos autores nesta lingua
A editorial Anagrama creou un novo premio de novela en catalán para descubrir novos autores nesta lingua, xa que desde que comezou a publicar títulos en catalán, estes só foran traducións doutras linguas.
Fonte: El Periódico
O laboratorio farmacéutico CINFA recibe un premio pola súa promoción do éuscaro no ámbito farmacéutico
O premio Feuseren Farnaburua, entregado pola Asociación de farmacéuticos euscaldúns, recaeu no laboratorio farmacéutico CINFA polo seu labor de impulso e promoción do éuscaro, con accións como a participación no Dicionario dixital de farmacia en éuscaro.
Fonte: Noticias de Navarra
O Concello de Palma de Mallorca pasará a comunicarse só en catalán
A nova corporación municipal de Palma de Mallorca utilizará o catalán como lingua exclusiva de comunicación, dado que é a de maior uso nos medios de comunicación baleares.
Fonte: Mallorca Confidencial
A provincia de Huelva contará con dous centros educativos bilingües máis o próximo curso
O próximo curso escolar, a provincia de Huelva contará cun total de 89 centros educativos bilingües, tras a incorporación de dous novos institutos de secundaria. De todos estes, a gran maioría imparte educación bilingüe en inglés, mentres que cinco o fan en francés.
Fonte: 20 minutos
Boletín
Subscríbase ao boletín
