España
Apróbase por unanimidade o borrador do Plan de normalización lingüística do Concello de Xixón
Os representantes de todos os grupos políticos municipais apoiaron o texto do borrador do Plan de normalización lingüística, cuxa aprobación definitiva está prevista para o 16 de marzo.
Fonte: Asturies.com
Preséntase unha campaña de fomento do uso do valenciano na pirotecnia impulsada pola Deputación de Valencia
A nova campaña de fomento do valenciano dedicada ao vocabulario relativo á pirotecnia consta de tres carteis que inclúen o léxico máis característico deste ámbito.
Fonte: Levante-EMV
O Tribunal Superior de Xustiza de Cataluña rexeita que o catalán sexa a lingua de uso exclusivo do funcionariado
O Tribunal Superior de Xustiza de Cataluña anulou parcialmente o regulamento que establece o catalán como lingua de comunicación entre o funcionariado e tamén que as conversas se teñan que iniciar neste idioma.
Fonte: El Periódico
O Pleno do Parlamento de Navarra acorda ter en conta as recomendacións europeas sobre política lingüística
Apróbase por unanimidade que a Cámara considere as recomendacións realizadas no informe de avaliación sobre a política lingüística dos estados do Consello de Ministros do Consello de Europa e a Comisión de Expertos.
Fonte: Pamplona Actual
Oito de cada dez persoas maiores de 15 anos en Cataluña saben falar catalán
Este e outros datos sobre a lingua catalá poden consultarse no portal web 'El català en xifres' posto en marcha pola Generalitat.
Fonte: El Mundo
Lanzan un novo tradutor automático entre as linguas que se falan en Aragón
A organización sen ánimo de lucro Softaragonés é a creadora deste novo tradutor en liña para as linguas que se falan en Aragón, isto é, catalán, aragonés e castelán.
Fonte: Generalitat de Catalunya
Ponse en marcha unha campaña en Navarra para solicitar a opción de elixir estudos de FP en éuscaro
Varios colectivos solicitan que os impresos de prematrícula de Formación Profesional conten cunha cela que permita expresar a demanda en éuscaro para estes estudos.
Fonte: El Diario Vasco
O Goberno de Aragón inicia o proceso para procurar unha grafía común e oficial para normalizar o uso do aragonés
O Goberno de Aragón iniciou un proceso de procura dunha grafía común e oficial co obxectivo de superar a dispersión que supón o uso de distintas grafías.
Fonte: AraInfo
Un informe do Parlamento vasco indica que o éuscaro supón o 4,2 % do PIB do País Vasco
O viceconselleiro de Política Lingüística vasco destacou o impacto que xera o éuscaro en termos económicos sobre o PIB en comparación con outros sectores.
Fonte: Deia
Unha guía publicada pola Generalitat de Cataluña axudará a aprender catalán desde o francés
O Departamento de Cultura publicou esta guía que vai dirixida á poboación de Cataluña que ten o francés como lingua inicial ou de aprendizaxe.
Fonte: La Vanguardia
Boletín
Subscríbase ao boletín
