España
Segundo o Anuario de cultura dixital 2024, a oferta de contidos dixitais nas linguas minoritarias ou cooficiais é bastante limitada
Segundo este anuario, elaborado por Acción Cultural Española, no ámbito audiovisual son escasos os contidos en linguas minoritarias, malia que a directiva europea de medios audiovisuais obriga os países da UE a garantir unha oferta de, polo menos, un 30 %.
Fonte: Galicia Confidencial
Convócanse axudas para a dixitalización dos euskaltegis privados e os centros homologados de autoaprendizaxe de éuscaro
O Goberno vasco destinará 200 000 euros a esta convocatoria para dotar as aulas destes centros de equipamentos tecnolóxicos como encerados dixitais e proxectores.
Fonte: Gobierno Vasco
O Concello de Basauri pide colaboración cidadá para deseñar o seu plan de éuscaro
Para o deseño do Plan estratéxico de éuscaro de Basauri organizouse un proceso de participación veciñal, cun cuestionario do que se recibiron 65 respostas e catro mesas de traballo ás que acudiron 40 persoas, así como dinámicas específicas para a mocidade.
Fonte: Ayuntamiento de Basauri
O Goberno vasco convoca unha nova edición do programa Lanhitz para impulsar o éuscaro no sector privado
Destinaranse 2,2 millóns de euros a esta convocatoria, 200 000 máis que á do ano pasado. O obxectivo do programa Lanhitz é incrementar o uso e a presenza do éuscaro nos centros de traballo do sector privado.
Fonte: Gobierno Vasco
O Concello de Vitoria-Gasteiz aproba o novo Plan de normalización do uso do éuscaro
O Plan de normalización do uso do éuscaro ten como obxectivo garantir os dereitos lingüísticos da cidadanía e permitir as comunicacións co Concello en calquera das linguas oficiais.
O X Foro de Empresas Arabesas subliña o valor que lles achega o éuscaro ás súas compañías
As compañías presentes neste foro coñeceron as experiencias de 28 empresas e axentes económicos e abordaron os pasos que se deben dar para impulsar o uso do éuscaro a partir destas boas prácticas.
Fonte: Gobierno Vasco
Crean un buscador que aglutina a oferta de actividades extraescolares en éuscaro en Pamplona e comarca
A asociación Sortzen Gurasoak creou o buscador Jauzi.eus co obxectivo de fomentar o uso do éuscaro no tempo de lecer. Esta web inclúe a oferta de actividades extraescolares de oitos centros de Infantil e Primaria e catro concellos.
Fonte: Noticias de Navarra
Ningún centro público se acolle ao plan de libre elección lingüística do Goberno balear
Ningún dos 221 centros públicos das Illas Baleares vai adherirse ao Plan piloto de libre elección de lingua impulsado polo Goberno do arquipélago.
Fonte: Diari de la Llengua
Vitoria-Gasteiz acolle unha manifestación para esixirlle ao Goberno vasco que coloque o éuscaro no centro das políticas audiovisuais
Esta mobilización reclamáballe ao Goberno vasco un cambio nas políticas sobre cultura e sector audiovisual para que se sitúe o éuscaro no centro, así como unha oferta ampla, actualizada e atractiva de contidos nesta lingua en plataformas, EiTB ou cinemas.
Fonte: NoticiasDe
L’Espluga de Francolí acollerá o primeiro festival sobre as variantes dialectais do catalán
«Posa-hi tu l’accent» é o nome deste festival que se celebrará entre os días 27 e 29 de setembro e que pretende reunir e poñer en valor o conxunto de variantes dialectais do catalán.
Fonte: Diari de la Llengua
Boletín
Subscríbase ao boletín
