A RAE está inmersa na segunda fase do proxecto LEIA na que se desenvolverán ferramentas, tecnoloxías e aplicacións para a proxección e o uso do español no ámbito da intelixencia artificial que se traducirá na creación dun observatorio de neoloxismos, tecnicismos, termos e variacións do español, e doutras ferramentas, como reposta a consultas lingüísticas, entre moitas outras.

Fonte: Real Academia Española

A plataforma dixital Ingura ofrecerá a posibilidade de aprender éuscaro desde calquera dispositivo, en calquera momento e lugar, de forma cómoda e flexible a través de exercicios baseados en vídeos. Así mesmo, permitirá un modelo titorizado moderno adaptado ás necesidades de aprendizaxe actuais.

Fonte: Gobierno Vasco

Estas axudas, destinadas a empresas para a incorporación do catalán en produtos tecnolóxicos de diferentes ámbitos, teñen como obxectivo aumentar a oferta nesta lingua.

Fonte: Generalitat de Catalunya

Os Gobernos vasco e navarro e o Organismo Público do Éuscaro organizan colonias de verán para nenas e nenos de entre 9 e 15 anos de todos os territorios onde se fala esta lingua.  O obxectivo desta iniciativa é que utilicen o éuscaro na comunicación diaria fóra do ámbito escolar e en contextos lúdicos.

Fonte: Gobierno Vasco

Baixo o lema «Pren la paraula. Tria Filologia Catalana», esta campaña busca promocionar os estudos de Filoloxía Catalá ante a crecente necesidade de profesionais neste ámbito, debido ás xubilacións das primeiras promocións e aos cambios sociodemográficos dos últimos anos.

Fonte: Generalitat de Catalunya

Para a realización desta investigación tomáronse como base máis 1000 enquisas realizadas en 2023 en 60 municipios da provincia de Huesca e do norte da de Zaragoza. Trátase do primeiro estudo de carácter sociolóxico centrado no uso do aragonés.

Fonte: Ronda Somontano

Este foro, que traballa para impulsar o uso do éuscaro nas empresas, celebrou un encontro para informar sobre as ferramentas dispoñibles para a promoción desta lingua, en concreto, sobre os servizos de asesoramento lingüístico ou as axudas existentes para a súa implantación.

Fonte: Diputación Foral de Álava

Estes premios recoñecen persoas, entidades e empresas que destacan pola súa defensa ou promoción da lingua catalá. Escolleranse tres finalistas entre 115 candidaturas propostas.

Fonte: Plataforma per la Llengua

Organizado polo Instituto de Estudos Baleáricos (IEB) coa colaboración doutras entidades, este festival ten como obxectivo fomentar o uso do catalán entre a mocidade a través do cine anime e o cómic manga.

Fonte: Diario de Mallorca

Baixo o lema «Senabrés, a nuesa llengua», convócase un concurso de relatos en senabrés que ten como obxectivo poñer en valor esta lingua, variante do asturleonés, e fomentar o seu uso.

Fonte: Zamora News