España
O Concello de Alcoi ofrécelle a toda a poboación do municipio e a comarca un espazo semanal de conversa en valenciano
Co obxectivo de crear oportunidades de vivir en valenciano, ponse en marcha este espazo multixeracional e multicultural para conversar nesta lingua, gratuíto e de asistencia libre aberta a toda a poboación.
Fonte: Ajuntament d'Alcoi
España desenvolverá un modelo de intelixencia artificial adestrado en todas as linguas oficiais
O presidente do Goberno anunciou en Barcelona o desenvolvemento dun gran modelo fundacional de linguaxe de intelixencia artificial adestrado especificamente en español e no resto de linguas cooficiais, en código aberto e transparente.
Fonte: Código Cero
A Generalitat de Cataluña convoca un novo concurso de declaracións de amor en catalán
Optimot, o servizo de consultas lingüísticas, organiza, como cada ano, un concurso para celebrar o seu aniversario, que este ano estará centrado en declaracións de amor que deberán enviar os participantes a través de X ou de Instagram.
Fonte: Generalita de Catalunya
O Concello de Barcelona creará unha comisión para fomentar a presenza do catalán no contorno dixital
Co obxectivo de promover o uso do catalán entre a mocidade, o Plenario do Consello Municipal aprobou unha proposta para crear unha comisión non permanente para impulsar a presenza desta lingua no contorno dixital e nos novos formatos tecnolóxicos.
Fonte: Ajuntament de Barcelona
Un estudo advirte do incremento da desigualdade lingüística e de presións contra o valenciano
Segundo o estudo Índice de Desigualdad Lingüística (IDL) de las regiones sociolingüísticas valencianas, impulsado pola Fundación Nexe, apréciase unha tendencia cara á desigualdade lingüística ao tempo que existen presións sociais e políticas contra o uso do valenciano.
Fonte: Gente
O Concello de Barcelona inclúe a promoción do catalán como criterio para a convocatoria de subvencións
A promoción do uso social do catalán en Barcelona incluirase como obxectivo transversal no próximo Plan estratéxico de subvencións do Concello. Con esta medida búscase favorecer a presenza desta lingua en todos os proxectos.
Fonte: El Nacional
O Concello de Alzira organiza un concurso para promover o uso do valenciano
Con este concurso, que ten como lema «Juguem amb la llengua», búscase encher as redes sociais de frases feitas en valenciano a través da publicación dunha foto en Instagram.
Fonte: Alzira Radio
O Observatorio Vasco da Cultura presenta un novo informe sobre a edición de libros en éuscaro
O Informe de la edición en euskera, correspondente ao ano 2022, ofrece datos sobre a produción, oferta e facturación de libros en éuscaro tanto en Euskadi, como en Navarra e en Iparralde.
Fonte: Gobierno Vasco
O Goberno do Principado elabora o primeiro manual en asturiano de linguaxe administrativa
O Manual de llinguaxe alministrativu en llingua asturiana ten como obxectivo facilitar o uso do asturiano na Administración pública local e autonómica. Esta guía inclúe, entre outros, formularios, requirimentos, resolucións, declaracións responsables, anuncios, bases reguladoras, certificacións, solicitudes, follas de reclamación, licenzas etc.
Fonte: Principado de Asturias
O Goberno vasco modifica o sistema de acreditación de perfís lingüísticos de éuscaro para o sector público
O obxectivo desta modificación é flexibilizar o sistema ao tempo que se garanten os dereitos lingüísticos da cidadanía. Así, o decreto recolle novos mecanismos para acreditar o perfil lingüístico e establece novos perfís que diferencian o nivel de expresión oral e escrita.
Fonte: EITB
Boletín
Subscríbase ao boletín
