Galicia
O Proxecto Nós intensifica o traballo pola inclusión do galego na intelixencia artificial
A Xunta de Galicia segue a traballar nun dos seus principais propósitos dos últimos anos, a inclusión da lingua galega nos ámbitos de aplicación da intelixencia artificial. Así o confirmou na Comisión 4ª do Parlamento de Galicia o secretario xeral de Política Lingüística, Valentín García, onde compareceu a petición propia.
Fonte: O Portal da Lingua Galega
Preséntase o lema da plataforma Queremos Galego para as manifestacións que se celebrarán o 17 de maio
«En galego, aquí e agora» será lo lema que presida as manifestacións previstas para o vindeiro 17 de maio nas principais vilas e cidades de Galicia e convocadas pola plataforma Queremos Galego, integrada por máis de 500 entidades.
Fonte: Galicia Confidencial
Convócase a segunda edición de Ciencia Calidade, un concurso de monólogos científicos en lingua galega
O certame de monólogos científicos en galego Ciencia Calidade ten como obxectivo amosar a idoneidade desta lingua para transmitir ciencia, así como a calidade da investigación e da divulgación científica que se fai en Galicia.
Fonte: Consello da Cultura Galega
A nova entrega da iniciativa Proxector profunda, a través de doce vídeos en galego, no mundo da intelixencia artificial
«Proxector: audiovisuais en galego para a docencia», espazo web con recursos audiovisuais de apoio á docencia en lingua galega, ofrece na súa nova entrega unha ducia de vídeos sobre o mundo da intelixencia artificial.
Fonte: Consello da Cultura Galega
O Concello da Coruña organiza un programa de andainas para coñecer a toponimia e afondar en aspectos sociolingüísticos da cidade
A iniciativa «A Coruña das Letras» inclúe un programa de andainas guiadas por tres barrios da cidade guiadas polo músico e escritor Xurxo Souto que falará, entre outros temas, da toponimia tradicional, os escritores/as que viviron nos diferentes barrios e de aspectos sociolingüísticos de relevancia para a cidade.
Fonte: Consello da Cultura Galega
O Concello de Ponteareas organiza unha ruta sobre a historia da lingua galega na vila
O Concello de Ponteareas organiza unha visita gratuíta sobre a historia da lingua galega na vila, cun percorrido guiado por Carlos Callón con diferentes paradas cuxo protagonista será Fermín Bouza Brey, un dos escritores máis ilustres do municipio.
Fonte: Faro de Vigo
A Fundación Paco Lareo organiza por vez primeira un certame literario en lingua galega
O Certame Literario Paco Lareo ten como obxectivo promover a creación literaria entre o alumnado de primaria e secundaria. Os poemas que se presenten ao concurso serán de temática libre e inéditos e deberán estar escritos en lingua galega.
Fonte: Faro de Vigo
O Concello de Silleda ofrece cursos de galego e castelán a persoas inmigrantes
Co obxectivo de facilitar a integración das persoas inmigrantes, o Concello de Silleda pon en marcha unha nova edición do programa Anduriña, unha iniciativa pola que se impartirán de balde cursos de galego e de español dirixidos a este colectivo.
Fonte: Faro de Vigo
O Concello de Arzúa organiza unha actividade para que a cidadanía escolla a súa palabra favorita en galego
Co gallo da celebración das Letras Galegas 2023, o Concello de Arzúa organiza a actividade «Elixe a túa palabra en galego favorita» que ten como obxectivo promover o uso e o coñecemento do galego.
Fonte: Concello de Arzúa
Unha investigación da Universidade de Santiago analiza a capacidade lingüística dos hititas para expresar as súas emocións
Unha investigación desenvolvida na Universidade de Santiago por João Paulo Galhano analiza a sensibilidade léxica do hitita, a máis antiga lingua indoeuropea coñecida en rexistro escrito, en relación co campo semántico das emocións.
Boletín
Subscríbase ao boletín
