Galicia
Un total de 35 concellos asina a Declaración de Pontevedra para impulsar o uso do galego nas súas relacións coa Xustiza
A Deputación de Pontevedra, a Irmandade Xurídica Galega e a Xunta da Galicia, xunto a 35 concellos da provincia, asinaron Declaración de Pontevedra, un manifesto no que se comprometen a impulsar o uso do galego nas relacións entre as corporacións locais e a Xustiza.
Fonte: Deputación de Pontevedra
O volume ‘Unha amizade con Ferrol ao fondo’ editado co apoio da Xunta reúne a correspondencia entre os escritores Carvalho Calero e Tomás Barros
O secretario xeral de Política Lingüística, Valentín García, participou na presentación do volume Unha amizade con Ferrol ao fondo. Correspondencia entre Carvalho Calero e Tomás Barros (1947-1983), do catedrático da Universidade da Coruña Xosé Ramón Freixeiro Mato.
Fonte: O Portal da Lingua Galega
A cantora galaico-portuguesa María do Ceo celebra os seus 25 anos de carreira cun disco dedicado a Galicia e á lingua galega
O secretario xeral de Política Lingüística, Valentín García, participou na presentación do último traballo da cantora galaico-portuguesa María do Ceo, Galicia Nai, un libro disco dedicado integramente a Galicia e á lingua galega co que a intérprete celebra os seus 25 anos de carreira musical e que conta co apoio da Xunta.
Fonte: O Portal da Lingua Galega
O Pazo da Cultura de Carballo acolleu a segunda edición dos Premios Galegos da Regueifa
A segunda edición dos Premios Galegos da Regueifa, Espalla Rimas 2023, é unha iniciativa de La Voz de Galicia, pola que se reuniu en Carballo ao mellor da improvisación oral.
Fonte: La Voz de Galicia
Entidades en defensa do galego, o catalán e o éuscaro renderanlles homenaxe en Santiago de Compostela a Rosalía e a Castelao
O vindeiro 22 de xaneiro o Panteón de Galegos Ilustres acollerá unha homenaxe a Rosalía de Castro e a Castelao nun acto no que participarán entidades sociais en defensa do galego, o éuscaro e o catalán.
Fonte: Diario de Arousa
Unha serie de vídeos breves unen galego e deporte grazas á iniciativa «Adestra a túa lingua»
Ao abeiro da iniciativa «Adestra a túa lingua», Suseia SCG produce sete vídeos breves que, ademais de información deportiva, tratan de normalizar o uso de termos técnicos en galego deste ámbito pouco coñecidos.
Fonte: Consello da Cultura Galega
Publícase en liña o Calendario Científico Escolar en lingua galega
A Universidade da Coruña, en colaboración co CSIC, publica en galego o Calendario Científico Escolar que inclúe, ademais das efemérides dos ámbitos da ciencia e a tecnoloxía, unha guía didáctica para a educación primaria e a secundaria.
Fonte: Consello da Cultura Galega
O novo especial da iniciativa Proxector ofrece unha serie de audiovisuais en galego sobre o quecemento global
O novo especial da web Proxector leva por título “Quecemento global: ameazas e oportunidades”, unha entrega na que se ofrecen unha ducia de recursos audiovisuais sobre este tema.
Fonte: Consello da Cultura Galega
A Deputación da Coruña publica a convocatoria de subvencións para os servizos de normalización lingüística das entidades locais da provincia
O Boletín Oficial da Provincia publicou as bases reguladoras da convocatoria de axudas, á que a Deputación da Coruña destinará 550 000 euros, dirixida aos concellos, agrupacións de municipios, mancomunidades e outras entidades locais da provincia para a creación, mantemento e reforzo dos servizos de normalización lingüística.
Fonte: La Opinión
A versión en liña do Dicionario da Real Academia Galega recibiu case 35 millóns de consultas en 2022
O Dicionario da Real Academia Galega incorporou o ano pasado preto de 400 cambios entre novas entradas, novas acepcións en lemas xa rexistrados e modificacións na redacción das definicións.
Fonte: Real Academia Galega
Boletín
Subscríbase ao boletín
