Galicia
A Xunta apoia as ‘Xornadas Florenciófilas’, que pechan en Valdeorras o ano das Letras dedicado á figura de Delgado Gurriarán
O secretario xeral de Política Lingüística, Valentín García, participou na inauguración das Xornadas Florenciófilas, organizadas desde o proxecto "As letras de Florencio" co apoio da Xunta, a Real Academia Galega (RAG), a Deputación de Ourense, o Consello da Cultura Galega (CCG), o Instituto de Estudos Valdeorreses e os concellos da comarca de Valdeorras.
Fonte: O Portal da Lingua Galega
A Xunta porá en marcha o vindeiro ano o observatorio da lusofonía Valentín Paz Andrade
A Xunta porá en marcha o Observatorio da lusofonía Valentín Paz Andrade o vindeiro ano, tras o cumprimento de todos os trámites precisos e as correspondentes audiencia e información públicas. Creado co obxectivo de servir como instrumento de consenso para adoptar medidas relacionadas coa lusofonía en Galicia, a nova entidade dependerá da Vicepresidencia Segunda e Consellería de Presidencia, Xustiza e Deportes e terá a vicepresidencia a cargo da consellería competente en Política Lingüística.
Fonte: O Portal da Lingua Galega
A Deputación de Pontevedra presenta a oitava edición do programa “Nadal en Galego”
Grazas ao programa ‘Nadal en Galego’, o Apalpador, a tradicional figura do Nadal de Galicia, visitará este ano 46 concellos da provincia de Pontevedra para transmitir valores como a dinamización do galego, o respecto ao medio ou a alimentación saudable.
Fonte: Deputación de Pontevedra
A V edición do Certame de Podcast ‘Xosé Mosquera Pérez' conmemora o 90 aniversario da radio en Galicia
O secretario xeral de Política Lingüística, Valentín García, participou na presentación do V Certame de Podcast “Xosé Mosquera Pérez, O vello dos contos”, organizado polo IES Plurilingüe Rosalía de Castro de Santiago de Compostela, Arraianos Producións e o colectivo Ponte … nas Ondas! coa colaboración da Consellería de Cultura, Educación, FP e Universidades.
Fonte: O Portal da Lingua Galega
O Proxecto Nós recibe financiamento no marco do PERTE da Nova Economía da Lingua
O Consello de Ministros aprobou o financiamento para o “Proxecto Nós: O galego na sociedade e na economía da intelixencia artificial” co que se apoia, entre outras tarefas, a recompilación de recursos en galego de alta calidade (texto e voz) que se publicarán en formato dixital e que serán accesibles de forma gratuíta.
A Xunta afirma que a entrada de Ponte...nas Ondas! na Unesco sería xusto e merecido
Os directores xerais de Cultura e de Patrimonio Cultural, Anxo M. Lorenzo e Mª Carmen Martínez, asistiron no Centro Cultural de Valadares á entrega de premios da V edición do certame “As imaxes do Patrimonio”, onde trasladaron o apoio da Xunta de Galicia á candidatura de Ponte... nas Ondas! que aspira a entrar no Rexistro de Boas Prácticas de Salvagarda do Patrimonio Cultural Inmaterial da Unesco.
Fonte: O Portal da Lingua Galega
A Facultade de Veterinaria da Universidade de Santiago organiza unha campaña para favorecer a integración lingüística do alumnado
A Facultade de Veterinaria do Campus de Lugo busca coa campaña de dinamización do galego ‘Cambia a túa mirada’ favorecer a integración lingüística do alumnado procedente de fóra de Galicia.
Valentín García destaca a contribución de Fernández del Riego á lingua e literatura galegas
O secretario xeral de Política Lingüística, Valentín García, participou na Cova Céltica organizada pola Fundación Eduardo Pondal para presentar o libro Con Pondal en Bergantiños, de Francisco Fernández del Riego e editado por Galaxia.
Fonte: O Portal de Lingua Galega
O Tribunal Superior de Xustiza de Galicia avala a ordenanza lingüística do Concello da Coruña
O TSXG avala esta ordenanza que fomenta o uso do galego no Concello da Coruña e nega que esta prohiba o uso do castelán nunha sentenza do 7 de novembro. Rexeita así o recurso presentado pola entidade Hablamos Español.
Fonte: Cadena SER
Chega a Pontevedra a mostra ‘Compromiso na distancia’ coa que a Xunta homenaxea a Florencio Delgado Gurriarán
O director xeral de Cultura, Anxo M. Lorenzo, inaugurou en Pontevedra a mostra itinerante “Compromiso na distancia”, unha das iniciativas incluídas na programación impulsada pola Xunta de Galicia con motivo da celebración das Letras Galegas 2022, dedicadas a Florencio Delgado Gurriarán.
Fonte: O Portal da Lingua Galega
Boletín
Subscríbase ao boletín
