Galicia
Amador Castro gaña o premio Torrente Ballester de narrativa en lingua galega
Amador Castro gaña a XXXIV edición do premio Torrente Ballester de narrativa, convocado pola Deputación da Coruña, na súa modalidade en lingua galega coa novela Pronto hei de volver.
Fonte: Galicia Confidencial
Comeza o proceso para escoller a Palabra do Ano 2022 en lingua galega
A Real Academia Galega e a Fundación Barrié abren o prazo para a recolla de suxestións ata o 11 de decembro de candidatas a Palabra do Ano 2022, unha iniciativa que ten como obxectivo difundir o léxico galego.
Fonte: Real Academia Galega
Unha campaña reclama o uso da toponimia oficial galega en navegadores e aplicacións
A Mesa pola Normalización Lingüística puxo en marcha a campaña 'Polo seu nome', presente na web e en redes sociais, que ten como obxectivo reclamar a utilización da toponimia galega, única lexítima e oficial, en navegadores e aplicacións de mapas dixitais.
Fonte: Galicia Confidencial
A Xunta apoia as ‘Xornadas Florenciófilas’, que pechan en Valdeorras o ano das Letras dedicado á figura de Delgado Gurriarán
O secretario xeral de Política Lingüística, Valentín García, participou na inauguración das Xornadas Florenciófilas, organizadas desde o proxecto "As letras de Florencio" co apoio da Xunta, a Real Academia Galega (RAG), a Deputación de Ourense, o Consello da Cultura Galega (CCG), o Instituto de Estudos Valdeorreses e os concellos da comarca de Valdeorras.
Fonte: O Portal da Lingua Galega
A Xunta porá en marcha o vindeiro ano o observatorio da lusofonía Valentín Paz Andrade
A Xunta porá en marcha o Observatorio da lusofonía Valentín Paz Andrade o vindeiro ano, tras o cumprimento de todos os trámites precisos e as correspondentes audiencia e información públicas. Creado co obxectivo de servir como instrumento de consenso para adoptar medidas relacionadas coa lusofonía en Galicia, a nova entidade dependerá da Vicepresidencia Segunda e Consellería de Presidencia, Xustiza e Deportes e terá a vicepresidencia a cargo da consellería competente en Política Lingüística.
Fonte: O Portal da Lingua Galega
A Deputación de Pontevedra presenta a oitava edición do programa “Nadal en Galego”
Grazas ao programa ‘Nadal en Galego’, o Apalpador, a tradicional figura do Nadal de Galicia, visitará este ano 46 concellos da provincia de Pontevedra para transmitir valores como a dinamización do galego, o respecto ao medio ou a alimentación saudable.
Fonte: Deputación de Pontevedra
A V edición do Certame de Podcast ‘Xosé Mosquera Pérez' conmemora o 90 aniversario da radio en Galicia
O secretario xeral de Política Lingüística, Valentín García, participou na presentación do V Certame de Podcast “Xosé Mosquera Pérez, O vello dos contos”, organizado polo IES Plurilingüe Rosalía de Castro de Santiago de Compostela, Arraianos Producións e o colectivo Ponte … nas Ondas! coa colaboración da Consellería de Cultura, Educación, FP e Universidades.
Fonte: O Portal da Lingua Galega
O Proxecto Nós recibe financiamento no marco do PERTE da Nova Economía da Lingua
O Consello de Ministros aprobou o financiamento para o “Proxecto Nós: O galego na sociedade e na economía da intelixencia artificial” co que se apoia, entre outras tarefas, a recompilación de recursos en galego de alta calidade (texto e voz) que se publicarán en formato dixital e que serán accesibles de forma gratuíta.
A Xunta afirma que a entrada de Ponte...nas Ondas! na Unesco sería xusto e merecido
Os directores xerais de Cultura e de Patrimonio Cultural, Anxo M. Lorenzo e Mª Carmen Martínez, asistiron no Centro Cultural de Valadares á entrega de premios da V edición do certame “As imaxes do Patrimonio”, onde trasladaron o apoio da Xunta de Galicia á candidatura de Ponte... nas Ondas! que aspira a entrar no Rexistro de Boas Prácticas de Salvagarda do Patrimonio Cultural Inmaterial da Unesco.
Fonte: O Portal da Lingua Galega
A Facultade de Veterinaria da Universidade de Santiago organiza unha campaña para favorecer a integración lingüística do alumnado
A Facultade de Veterinaria do Campus de Lugo busca coa campaña de dinamización do galego ‘Cambia a túa mirada’ favorecer a integración lingüística do alumnado procedente de fóra de Galicia.
Boletín
Subscríbase ao boletín
