O galardón de 2022, que concede o Ministerio de Cultura e Deporte, foi para Marilar Aleixandre pola súa obra As malas mulleres. Deste xeito, unha novela escrita en galego gaña por segundo ano consecutivo este premio estatal, o que o converte na lingua máis premiada tras o castelán.

Fonte: La Vanguardia

As probas para a obtención dos certificados de lingua galega, niveis Celga 4, 3 e 2 terán lugar nas fins de semana do 19 e 20 e 26 e 27 de novembro. Así o indica a resolución publicada no Diario Oficial de Galicia (DOG) pola que se fixan as datas de realización das devanditas probas, que se desenvolverán simultaneamente en Santiago de Compostela e Ponferrada.

Fonte: O Portal da Lingua Galega

O Premio Xela Arias creouse co obxectivo recoñecer o labor de empresas, entidades ou persoas que contribúan á promoción do uso do galego no mercado da tradución e da interpretación.

Fonte: Consello da Cultura Galega

A Asociación de Funcionarios para a Normalización Lingüística organiza un acto con motivo da celebración do Día da Restauración da Memoria Lingüística de Galicia, unha iniciativa que ten como obxectivo fomentar o uso do galego no ámbito dos ritos funerarios e das últimas vontades.

Fonte: Consello da Cultura Galega

A Institución Galega da Ciencia (Igaciencia) promove a celebración do XIII Día da Ciencia en Galego, que este ano lles renderá homenaxe ao matemático francés Évariste Galois e á oceanógrafa galega Ángeles Alvariño.

Fonte: Consello da Cultura Galega

O secretario xeral de Política Lingüística, Valentín García, participou na inauguración da exposición «Fuxan os Ventos. 50 anos de historia», unha mostra coorganizada pola Xunta de Galicia e o Concello de Lugo coa colaboración do Consello da Cultura Galega e o apoio da Deputación de Lugo para homenaxear a unha das agrupacións folclóricas máis emblemáticas da música galega.

Fonte: O Portal da Lingua Galega

En total foron 35 os estudantes deste centro educativo os que obtiveron certificacións oficiais en portugués (32 do nivel B1 e tres do A2) tras a incorporación ao programa de estudos desta lingua no curso 2019-2020.

Fonte: La Voz de Galicia

Varios coñecidos creadores debaten sobre o poder das artes como ferramenta importante para a normalización do galego nesta edición XXIV destes encontros que ten como lema “Arte e lingua como ferramentas de construción masiva”.

Fonte: Consello da Cultura Galega

O Consello da Cultura Galega presenta Galicia, unha cultura por descubrir, un proxecto que mostra no exterior o potencial creativo da cultura galega contemporánea. A través dun espazo web, dispoñible en galego e inglés, poden consultarse diferentes materiais, como pezas audiovisuais e outros recursos e contidos.

Fonte: Consello da Cultura Galega

O Auditorio do Vello Cárcere (Lugo) acollerá o 5 de novembro "Ciencia Calidade", un concurso de monólogos en galego no que oito persoas divulgarán contidos científicos de forma amena en menos de 3 minutos.

Fonte: Consello da Cultura Galega