Galicia
O Concello da Pobra do Caramiñal lanza a segunda edición do concurso Galeguizando Tik Tok
O concurso Galeguizando Tik Tok ten como obxectivo fomentar o uso do galego nas novas tecnoloxías e chegar á xente nova dunha maneira lúdica. Así, os vídeos participantes deberán estar nesta lingua, ter como temática o Día da Patria Galega e seguir o formato da app Tik Tok.
Fonte: Código Cero
O Concello de Neda aproba a súa ordenanza de normalización lingüística
O Boletín Oficial da Provincia da Coruña publicou a aprobación definitiva da Ordenanza de normalización lingüística do Concello de Neda, que declara o galego como idioma oficial desta Administración.
Fonte: CTNL
A veciñanza de Chandrexa de Queixa aprenderá como colaborar na recollida dos nomes de lugar
A campaña "Toponízate. Falámosche dos nomes da túa terra" coordinada pola Real Academia Galega en colaboración coa Secretaría Xeral de Política Lingüística chega a Chandrexa de Queixa cunha charla sobre como protexer os microtopónimos do seu territorio e o funcionamento da aplicación colaborativa Galicia Nomeada.
Fonte: O Sil
A RAG e PuntoGal entregan os premios do concurso de microrrelatos
As historias gañadoras do V Concurso de microrrelatos da Real Academia Galega e PuntoGal xa poden lerse en academia.gal e relatos.gal. As entidades convocadoras entregaron os galardóns nun acto na sede da RAG no que as persoas gañadoras leron os seus respectivos textos.
Fonte: Real Academia Galega
Os Bolechas presentan co apoio da Xunta un novo título dedicado ao Museo do Mar de Galicia
O secretario xeral de Política Lingüística, Valentín García, participou na presentación dun novo libro dos Bolechas que está dedicado ao Museo do Mar de Galicia e co que as crianzas poderán embarcarse dun xeito lúdico e didáctico no coñecemento da actividade mariñeira.
Fonte: O Portal da Lingua Galega
O protocolo de colaboración en materia de política lingüística reúnese en Santiago
A Comisión de Seguimento do Protocolo de colaboración en materia de política lingüística no que participan os gobernos de Galicia, Euskadi, Cataluña, Illas Baleares, Navarra e a Generalitat Valenciana celebraron no Pazo de San Roque de Santiago de Compostela a súa reunión ordinaria anual. Nela abordaron distintos temas de interese para as políticas lingüísticas das súas respectivas comunidades, así como accións conxuntas de promoción das súas linguas propias.
Fonte: O Portal da Lingua Galega
A Xunta programa este verán 300 actividades familiares, xuvenís e infantís co novo fondo de proxectos culturais ‘Tece Redes en galego’
A Xunta de Galicia programa este verán 300 actividades familiares, xuvenís e infantís coa campaña Tece Redes en galego, que chegará a diferentes localizacións de Galicia e dará a coñecer a lingua galega desde un punto de vista lúdico.
Fonte: O Portal da Lingua Galega
Nace 'Na Utopía', un proxecto que pretende espallar coñecemento en galego en internet
A deseñadora gráfica Lorena García crea o proxecto "Na Utopía", unha plataforma de obradoiros en liña en lingua galega.
Fonte: Galicia Confidencial
Ignacio Vidal Portabales recibe o premio García Barros de novela
O autor Ignacio Vidal Portabales recibe a XXXIV edición do premio de novela Manuel García Barros, convocado polo Concello da Estrada, coa súa obra As horas dunha illa remota.
Fonte: Cultura galega
Ana Abad de Larriba recibe o Premio Abrente de textos teatrais
A escritora Ana Abad de Larriba recibe o XVII Premio Abrente de textos teatrais pola súa obra A nunca vista
Fonte: Cultura galega
Boletín
Subscríbase ao boletín
