Galicia
O proxecto de promoción turística en galego Guido Guía recibe un premio de TripAdvisor
A plataforma Tripadvisor outorgoulle o galardón Traveller's Choice ao proxecto Guido Guía, que desenvolve o seu traballo en Lugo e emprega a lingua galega. Trátase dun premio que reciben anualmente o 10 % dos negocios con mellores críticas.
Fonte: Consello da Cultura Galega
A Xunta e Fundación Repsol convocan a XVI edición do premio narrativa breve para fomentar a creación literaria en lingua galega
O secretario xeral de Política Lingüística, Valentín García, participou xunto á Fundación Repsol na presentación da XVI convocatoria do Premio Narrativa Breve en lingua galega, co que se busca promover a creación literaria en lingua galega.
Fonte: O Portal da Lingua Galega
A RAG e PuntoGal abren ao público a entrega dos premios do concurso de microrrelatos
A Real Academia Galega e PuntoGal entregarán os premios do V Concurso de microrrelatos que convocan conxuntamente nun acto aberto ao público que terá lugar na sede da RAG.
Fonte: Real Academia Galega
Soben con forza as queixas ante a Valedora do Pobo pola vulneración dos dereitos lingüísticos
No exercicio do ano 2021, presentáronse ante a Valedora do Pobo 261 queixas por vulneración dos dereitos lingüísticos, 165 expendientes máis có ano anterior.
Fonte: Nós Diario
A Xunta inicia os actos conmemorativos polo centenario de Luz Pozo Garza cunha conferencia de Xesús Alonso Montero
O secretario xeral de Política Lingüística, Valentín García, presentou na Cidade da Cultura a conferencia inaugural dos actos organizados pola Xunta de Galicia para celebrar o centenario de Luz Pozo Garza.
Fonte: O Portal da Lingua Galega
A RAG lamenta o pasamento de Celia Teixeiro, viúva de Florencio Delgado Gurriarán
A Real Academia Galega expresa o seu pesar polo pasamento de Celia Teixeiro, viúva do protagonista do Día das Letras Galegas 2022, Florencio Delgado Gurriarán. De orixe galega, Celia Teixeiro nacera había 96 anos en Cuernavaca (México) e casou co poeta valdeorrés en 1944.
Fonte: Real Academia Galega
A dixitalización de publicacións da RAG complétase con 177 títulos editados dende 1906
A Real Academia Galega acaba de completar a incorporación da práctica totalidade das obras que editou, dende a súa fundación en 1906, á sección de publicacións dixitais da súa páxina web. As novas achegas son en total 177 títulos con preto de 37 000 páxinas que abranguen desde o primeiro dicionario da RAG (1913-1928) ata discursos de ingreso na Academia e as distintas normas da lingua, entre outros traballos.
Fonte: Real Academia Galega
Valentín García participa na presentación do proxecto Corpus Documentale Latinum Gallaeciae (CODOLGA)
O proxecto Corpus Documentale Latinum Gallaeciae (CODOLGA), que se desnvolve no marco dun convenio existente entre a USC e o Centro Ramón Piñeiro para a Investigación en Humanidades, presentou unha nova versión da súa base de datos, a número 18, nun acto ao que asistiron, entre outros, Valentín García, secretario xeral de Política Lingüística e Xosé Carracedo Fraga, director do CODOLGA.
Fonte: O Portal da Lingua Galega
A mostra ‘Compromiso na distancia’ chega á Coruña para homenaxear a Florencio Delgado Gurriarán
O secretario xeral de Política Lingüística, Valentín García, e o delegado da Xunta, Gonzalo Trenor, inauguraron na Biblioteca Pública da Coruña Miguel González Garcés a mostra itinerante Compromiso na distancia, dedicada a Florencio Delgado Gurriarán, homenaxeado este ano polo Día das Letras Galegas.
Fonte: O Portal da Lingua Galega
A campaña de Toponimízate bota a andar en Pantón
A Casa da Cultura do Concello de Pantón será o lugar escollido para abrir o pano da edición 2022 de «Toponimízate. Falámosche dos nomes da túa terra», iniciativa da Real Academia Galega en colaboración coa Secretaría Xeral de Política Lingüística da Xunta de Galicia.
Fonte: RAG
Boletín
Subscríbase ao boletín
