Galicia
O FICBUEU presenta o seu terceiro Caderno dedicado ás curtametraxes creadas na Escola Oficial de Cinematografía de España co apoio da Xunta
O secretario xeral de Política Lingüística, Valentín García, participou en Bueu na presentación do Caderno FICBUEU#3, un volume que baixo o título As prácticas do Instituto de Investigacións e Experiencias Cinematográficas e a Escola Oficial de Cinematografía como primordio dun novo cinema español (1947-76) recolle a historia das curtametraxes creadas nesta institución académica que marcou a semente dunha nova xeración de cineastas.
Fonte: O Portal da Lingua Galega
Dúas adegas resultan premiadas pola súa aposta polo uso do galego
Adega Terras de Bendaña e Adegas Celme recibiron os premios Bacelos de Prata pola súa etiquetaxe e defensa da lingua galega, uns galardóns que chegan así á súa 14ª edición para recoñecer o labor de empresas que apostan polo galego como marca de calidade dos seus produtos.
Fonte: Galicia Confidencial
Convócase a cuarta edición dos Premios Mil Primaveras para proxectos de fomento da lingua galega
A Coordinadora de Traballadores/as de Normalización da Lingua (CTNL) convoca unha nova edición dos Premios Mil Primaveras destinados ao recoñecemento de proxectos de posta en valor e fomento do galego.
Fonte: Premios Mil Primaveras
Ábrese o prazo de inscrición para participar na segunda edición dos Premios #DígochoEu
Ata o 28 de outubro permanecerá aberto o prazo para participar na segunda edición destes galardóns aos que poden presentarse centros educativos de Educación Primaria e Secundaria de Galicia, así como de fóra que impartan a lingua galega.
Fonte: Galicia Confidencial
A Universidade de Santiago organiza unha nova edición do curso de habilidades comunicativas
O curso de habilidades comunicativas está dividido en tres módulos centrados na redacción científica, falar en público e presentacións dixitais eficientes de 25 horas de duración cada un.
A Xunta de Galicia asina catro convenios para impulsar a formación en galego en universidades de Alemaña e Polonia
A Xunta destina 228 177 euros á sinatura de catro convenios para apoiar a docencia, a investigación e a promoción da lingua, a literatura e a cultura galegas nos centros de estudos galegos de universidades de Alemaña e Polonia.
Fonte: Galicia en el Mundo
A serie ‘Dalia, a modista’ salta da televisión á novela coa adaptación da escritora Noe Martínez e o apoio da Xunta
O secretario xeral de Política Lingüística, Valentín García, participou na Cidade da Cultura na presentación da novela galega Dalia, a modista, onde sinalou “a importancia de que a literatura galega se incorpore a unha das tendencia emerxente nestes momentos, como son as novelas e os relatos literarios xurdidos a partir das series televisivas de éxito”.
Fonte: O Portal da Lingua Galega
A Facultade de Veterinaria organiza un torneo de trivial en galego para axudar na integración do novo alumnado
A Facultade de Veterinaria do Campus de Lugo acollerá a celebración dun torneo de trivial en galego, co obxectivo de favorecer a socialización e a integración do alumnado.
A Real Academia Galega inicia unha nova tempada da serie en liña sobre toponimia
A nova tempada da serie de pezas audiovisuais O Seminario de Onomástica responde servirá para seguir divulgando o valor da toponimia como patrimonio inmaterial e explicar o significado e a historia dalgúns dos topónimos de Galicia.
Fonte: Real Academia Galega
A exposición ‘Bebedeira de ensoños’, producida pola Xunta en homenaxe a Delgado Gurriarán, chega ao Museo do Pobo Galego en Santiago
O secretario xeral de Política Lingüística, Valentín García, e o director xeral de Cultura, Anxo M. Lorenzo, participaron no Museo do Pobo Galego na inauguración da exposición conmemorativa das Letras Galegas 2022 «Bebedeira de ensoños», dedicada a Florencio Delgado Gurriarán e producida pola Xunta xunto á Editorial Galaxia.
Fonte: O Portal da Lingua Galega
Boletín
Subscríbase ao boletín
