Estes dous obradoiros de acollemento lingüístico, de 36 horas de duración, están dirixidos principalmente a persoas adultas procedentes doutras comunidades lingüísticas que queiran achegarse ao galego.

Fonte: Consello da Cultura Galega

O conselleiro de Cultura, Educación, FP e Universidades, Román Rodríguez, participou na Coruña nos actos para homenaxear o escritor Manuel Murguía co gallo do centenario do seu pasamento.

Fonte: O Portal da Lingua Galega

O Concello da Coruña abriu o prazo de inscrición na décima edición do Concurso de Monólogos Cómicos en Lingua Galega, un certame dirixido ao alumnado de secundaria, bacharelato e FP dos centros educativos da cidade que ten como obxectivo de fomentar o uso do galego entre a mocidade.

Fonte: Concello da Coruña

O volume Os camiños de Santiago, de Europa a Galicia. Lugares, nomes e patrimonio inclúe case trinta traballos sobre a toponimia das rutas xacobeas realizados por investigadores de varias universidades europeas.  

Fonte: Real Academia Galega

O Pazo da Cultura de Carballo acolleu a gala de entrega da sexta edición dos Premios Youtubeiras, uns galardóns que teñen como obxectivo impulsar a creación de vídeos en galego en Youtube.

Fonte: Consello da Cultura Galega

En total convócanse, na modalidade de teleformación, 27 cursos de linguaxe administrativa galega e tres de linguaxe xurídica galega (niveis medio e superior) para persoal ao servizo das distintas administracións da Comunidade Autónoma de Galicia.

Fonte: Consello da Cultura Galega

Estes cursos están dirixidos á comunidade universitaria e levaranse a cabo en liña nos meses de marzo, abril e maio. Entre as novidades figuran un ciclo de lingua e calidade e outro sobre xestión do multilingüismo nas aulas.

Fonte: Universidade de Vigo

A Asociación Agadea presentou na Biblioteca Ánxel Casal de Santiago este galardón de literatura infantil aberto a textos orixinais e inéditos escritos en galego que poderán presentarse ata o 1 de xullo. Trátase dunha iniciativa que ten como obxectivo sensibilizar e dar a coñecer o alzhéimer entre os máis pequenos.

Fonte: La Voz de Galicia

O concurso de microrrelatos da Real Academia Galega e PuntoGal chega á súa sexta edición para fomentar a expresión creativa e a presenza do galego no ámbito dixital. Poderán presentarse a este certame historias de ata 200 palabras nalgunha das categorías existentes: infantil (ata 11 anos), xuvenil (de 12 a 17 anos) e persoas adultas (a partir de 18 anos).

Fonte: Galicia Confidencial

A Coordinadora de Traballadores/as de Normalización da Lingua (CTNL) publicou na súa canle de YouTube as intervencións da oitava edición do «LGx15. Ideas para o futuro da lingua», que incluíu oito charlas con consellos para influír de xeito positivo no futuro do galego.  

Fonte: Consello da Cultura Galega