O conselleiro de Cultura, Educación e Universidade, Román Rodríguez, presentou a segunda convocatoria do Fondo de Proxectos Culturais Xacobeo 2021 cun incremento no seu orzamento ata os 3M€. Trátase dun programa impulsado pola Xunta de Galicia no marco do Plan de Reactivación cultural co obxectivo de apoiar o tecido cultural e inxectar liquidez nas empresas ao tempo que se configura unha oferta en galego, ampla, plural e de calidade.

Fonte: Xunta de Galicia

O "Obradoiro de apoderamento lingüístico. Ferramentas dende a Educación Social" ten como obxectivo reflexionar sobre a problemática lingüística galega e afondar nas potencialidades da educación social en materia de normalización lingüística.

Fonte: Consello da Cultura Galega

A Deputación de Pontevedra convoca subvencións destinadas ás entidades culturais sen ánimo de lucro para fomentar o uso da lingua galega na sociedade durante o ano 2021.

Fonte: Consello da Cultura Galega

A Xunta de Galicia colabora no novo videoclip Intempériome, pertencente ao EP Hasme oír que prepara A banda da Loba en homenaxe á poeta sarriá no marco da programación institucional das Letras Galegas 2021 dedicadas a Xela Arias.

Fonte: O Portal da Lingua Galega

O secretario xeral de Cultura, Anxo M. Lorenzo, presentou a programación impulsada pola Xunta de Galicia para conmemorar o décimo aniversario da Biblioteca de Galicia, na Cidade da Cultura, que incluirá cinco exposicións temáticas sobre figuras como as escritoras Emilia Pardo Bazán e Xela Arias ou a ilustradora Lolita Díaz Baliño.

Fonte: O Portal da Lingua Galega

O último número do boletín O Cartafol Dixital da Universidade de Santiago recolle os datos sobre usos lingüísticos na actividade docente no curso 2020-2021. Entre as conclusións destacan que se imparte en castelán o 73,63% das horas docentes, en galego o 22,10% e noutros idiomas estranxeiros o 4,27%.

Fonte: Consello da Cultura Galega

A Deputación da Coruña convoca o XII Premio Rosalía de Castro de Lingua, un certame que ten como obxectivo recoñecer iniciativas de normalización lingüística, ou traxectorias de persoas, colectivos e entidades que destaquen polo seu compromiso coa promoción do galego.

Fonte: Consello da Cultura Galega

O secretario xeral de Política Lingüística, Valentín García, e o delegado territorial da Xunta en Lugo, Javier Arias, participaron na apertura dos actos conmemorativos das Letras Galegas 2021, dedicados a Xela Arias Castaño, con motivo do 59º aniversario do nacemento da poeta sarriá.

Fonte: O Portal da Lingua Galega

A Real Academia Galega presentou no CEIP Sárdoma-Moledo (Vigo) a Primavera das Letras de Xela Arias que lles proporcionará aos nenos e nenas recursos lúdicos e didácticos, descargables e interactivos, para achegalos á súa figura.

Fonte: Real Academia Galega

O secretario xeral de Política Lingüística, Valentín García, presentou a iniciativa audiovisual “Xoguetes naturais”, incluída no Fondo de Proxectos Culturais Xacobeo 2021, coa que a Xunta de Galicia pon en valor as argalladas e os brinquedos ecolóxicos dirixidos á infancia.

Fonte: O Portal da Lingua Galega