Ata o 19 de outubro permanecerá aberto o prazo para presentar traballos ao certame 'Somos a curta!', unha iniciativa impulsada pola Comisión de Normalización Lingüística da Facultade de Ciencias da Comunicación para promover o uso da lingua galega como vehículo para a creatividade dos novos valores do audiovisual.

Fonte: Universidade de Santiago de Compostela

O Centro de Linguas decidiu que os exames se realizarán en modalidade telemática, así como que se suspendan as probas do CertAcles de inglés B1, B2 e C1, que se substitúen por exames con certificación propia do centro.

Fonte: Universidade de Vigo

Máis de 1500 persoas aprenden galego durante estas semanas a través dos cursos en liña que ofrece a Xunta de Galicia no marco do Plan de Teleformación en Lingua Galega para o ano 2020 para residentes tanto na comunidade como noutras zonas.

Fonte: O Portal da Lingua Galega

Trátase da terceira edición deste galardón de literatura infantil e xuvenil, que se instaurou hai dous anos para homenaxear a escritora María Victoria Moreno, a quen se lle dedicou o Día das Letras Galegas en 2018. As obras que se presenten a este certame deberán ser inéditas e estar escritas en lingua galega.

Fonte: Diario de Pontevedra

A plataforma GaliciaLe, da Rede de Bibliotecas Públicas de Galicia, quintuplicou entre o 14 de marzo e o 14 de abril deste ano o número de préstamos de material dixital en galego con relación ao mesmo período do pasado 2019. Así, se daquela a cifra era de 786 préstamos, pasouse a 4173 desde que se facilitou o seu uso co comezo do confinamento.  

Fonte: CuturaGalega

O prazo para presentar candidaturas ao III Premio Luís Porteiro Garea amplíase ata o 31 de maio de 2020. Trátase dun galardón que recoñece o esforzo de persoas ou entidades que traballan a prol da normalización do uso do galego na Universidade de Santiago.

Fonte: Universidade de Santiago

A Real Academia Galega e PuntoGal adiarán a resolución do concurso de microrrelatos, que veñen convocando desde 2018, debido aos atrancos provocados polas medidas de confinamento.

Fonte: Real Academia Galega

Os museos e arquivos xestionados pola Xunta de Galicia súmanse á programación en liña con motivo do Día do Libro o vindeiro xoves 23 de abril. O obxectivo é fomentar a lectura entre a sociedade e seguir dando ao libro todo o protagonismo que merece, con especial énfase neste contexto de confinamento.

Fonte: Xunta de Galicia

Co gallo do Día do Libro, a Xunta de Galicia distribúe en 14 hospitais públicos un total de 4000 libros procedentes das adquisicións da Consellería de Cultura e Turismo a editoras para o seu agasallo xeral e uso nas aulas hospitalarias.

Fonte: Xunta de Galicia

A Xunta, a Dirección Rexional de Cultura do Norte (Portugal) e a Agrupación Europea de Cooperación Territorial Galicia-Norte de Portugal (AECT) modificaron algunhas das bases da sexta edición do premio literario Nortear en canto á presentación das candidaturas, debido á actual situación de emerxencia sanitaria como consecuencia do coronavirus.

Fonte: Xunta de Galicia