Galicia
Os partidos políticos a favor dunha aproximación coa lusofonía obtiveron o 71 % do apoio nas eleccións galegas
O resultado das eleccións galegas confirma que o 71 % do apoio electoral vai para formacións políticas (BNG e PP) que incluían no seu programa medidas para aproximar Galicia á lusofonía.
Fonte: El Trapezio
Botan a andar dous programas de reactivación cultural e deportiva grazas á Deputación de Pontevedra
A Deputación de Pontevedra presentou os programas Re-Acción nos Castelos e Música no Ar que, xunto a Musigal, levarán aos concellos de Pontevedra actuacións musicais e actividades de tipo cultural e deportivo durante os meses de verán.
Fonte: Deputación de Pontevedra
Un programa permitirá potenciar o uso do galego entre o alumnado do campus universitario de Pontevedra
Un acordo entre a Universidade de Vigo e o Concello de Pontevedra porá a andar o programa Falamos co que se quere potenciar o uso do galego e gañar falantes entre o alumnado do campus universitario de Pontevedra.
Fonte: Universidade de Vigo
A Deputación da Coruña achega axudas para iniciativas de tipo cultural
A Deputación da Coruña anunciou dúas novas convocatorias de axudas para iniciativas de tipo cultural. Destinará 275 000 euros a proxectos culturais singulares e 125 000 euros á distribución audiovisual.
Fonte: Deputación da Coruña
A Xunta abre o prazo de solicitudes para participar como profesor-lector en universidades españolas e internacionais
O Diario Oficial de Galicia vén de publicar a convocatoria pola que se renovan os lectorados de lingua, literatura e cultura galegas das universidades de Bangor, Autónoma de Barcelona, Cork, Kiel, Miño e Deusto.
Fonte: Xunta de Galicia
O Consello da Cultura Galega retransmite a peregrinación a Compostela da Xeración Nós de 1926
O Consello da Cultura Galega (CCG) pon a disposición da cidadanía coa tecnoloxía de hoxe a peregrinación que un grupo da Xeración Nós realizou a Compostela no ano 1926.
Fonte: CCG
A Xunta de Galicia non emprega o galego na formación sobre a covid-19
A Mesa pola Normalización Lingüística denunciou que a Xunta de Galicia exclúe o uso do galego na formación que ten que recibir o persoal que traballa nos centros de atención diúrna para persoas dependentes. A capacitación ofertada só esta dispoñible en español e ademais o material escrito contén mesmo expresións como 'junta de Galicia'.
Fonte: Nós Diario
A Asociación de Docentes de Portugués envía propostas de promoción do portugués con motivo das eleccións
A Asociación de Docentes de Portugués en Galicia enviou propostas de promoción do ensino do portugués aos candidatos e candidatas á presidencia da Xunta de Galicia que se presentan ás eleccións autonómicas.
A Deputación de Pontevedra presenta un plan de reactivación cultural tras a pandemia da covid-19
A Deputación de Pontevedra presentou Re-Acción Cultural, un plan dotado con 2,5 millóns de euros para reactivar o sector cultural tras a pandemia da covid-19 e que se desenvolverá nos eixes da música, o patrimonio e as rutas xacobeas, as artes escénicas, o audiovisual, o cinema e as letras.
Fonte: Cultura Galega
O Consello da Cultura Galega presenta unha publicación sobre o galego nos Séculos Escuros
O Consello da Cultura Galega (CCG) pon a disposición da cidadanía o libro Calen barbas, falen cartas que bota máis luz sobre o galego durante os Séculos Escuros.
Fonte: CCG
Boletín
Subscríbase ao boletín
