O director xeral de Relacións Exteriores e coa UE, Jesús Gamallo, reuniuse en Lisboa coa directora xeral da Comunidade de Países de Lingua Portuguesa (CPLP), Georgina Benrós Mello, para abordar a forma da posible integración de España como Observador Asociado deste organismo.

Fonte: O Portal da Lingua Galega

A Consellería de Cultura e Turismo, por medio da Secretaría Xeral de Política Lingüística, convoca os cursos preparatorios das probas de acreditación do Celga nas modalidades tanto presenciais coma en liña para o ano 2020.

Fonte: O Portal da Lingua Galega

A Real Academia Galega e a Asociación PuntoGal convocan a terceira edición do certame de microrrelatos, dun máximo de 200 palabras, que naceu en 2018 co obxectivo de reforzar a presenza do galego en internet.

Fonte: Real Academia Galega

Segundo comunicou a directora operativa dos Servizos Informativos da CRTVG, os cambios no servizo de asesoramento lingüístico da canle pública teñen como obxectivo mellorar a calidade do idioma no conxunto da emisión.

Fonte: Galicia Confidencial

A ordenanza de normalización lingüística do Concello de Gondomar, aprobada definitivamente no pleno do mes de xaneiro, ten como obxectivos incorporar o galego en todos os ámbitos da vida municipal e impulsar a normalización do seu uso no conxunto da sociedade.

Fonte: Faro de Vigo

O Pub Gatos acolle o venres 31 de xaneiro o concerto Presume de Galego, organizado polo alumnado do IES de Melide. Esta iniciativa, que chega así á súa cuarta edición, insírese nun proxecto educativo transversal cuxo obxectivo é fomentar a socialización en galego da mocidade a través da música.

Fonte: Consello da Cultura Galega

O secretario xeral de Política Lingüística da Xunta, Valentín García, participou, no Centro Cultural Torrente Ballester, na inauguración da mostra "Imaxe de cen anos", coa que o Concello de Ferrol abre o ano dedicado a Ricardo Carvalho Calero.

Fonte: O Portal da Lingua Galega

A conselleira de Educación, Universidade e Formación Profesional, Carmen Pomar, visitou o CEIP Raíña Fabiola (Santiago de Compostela), onde se reuniu cun grupo de representantes da Entidade para a Lingua Frisoa (DINGtiid), organización non gubernamental que ten atribuídas as funcións de asesoría ao goberno da rexión de Frisia (Países Baixos) en materia de política lingüística. Na reunión participou tamén o secretario xeral de Política Lingüística, Valentín García.

Fonte: O Portal da Lingua Galega

Dado o carácter fronteirizo da localidade, o IES Salvaterra de Miño continúa coa súa aposta de achegarse ao país veciño coa participación nun programa educativo e a vontade de introducir no futuro a materia de Lingua Portuguesa.

Fonte: Atlántico Diario

Unha delegación de membros do consello consultivo para o idioma frisón, DINGtiid, visitou as instalacións da Real Academia Galega onde puideron coñecer, da man do seu presidente, o funcionamento da institución así como a situación da lingua galega.

Fonte: Real Academia Galega