Galicia
O Concello da Coruña organiza o Día do Apego, un conxunto de actividades para fomentar a transmisión do galego
O Concello da Coruña organiza o Día do Apego, que se desenvolverá o vindeiro sábado 21 de setembro no Centro Ágora. Trátase dun conxunto de actividades, destinadas a familias con nenas e nenos de 0 a 6 anos, que ten como obxectivo impulsar a transmisión do galego como lingua inicial.
Fonte: Concello da Coruña
A Xunta convoca novas probas de acreditación dos Celga 2 e 4, previstas para novembro
A Xunta de Galicia, por medio da Secretaría Xeral de Política Lingüística, convoca novas probas de acreditación do Celga nos seus niveis 2 e 4, que prevé realizar en Santiago de Compostela e en Ponferrada na segunda quincena de novembro.
Fonte: O Portal da Lingua Galega
Ponse en marcha un proxecto de intercambio de obras de teatro para promover a cultura e a lingua galegas polo Camiño de Santiago do norte
'Camiño Escena Norte', un proxecto posto en marcha polas asociacións de produtoras escénicas das comunidades autónomas implicadas, impulsa o intercambio de obras de teatro para promover a cultura e a lingua galegas pola ruta do Camiño de Santiago do norte.
Fonte: GaliciaPress
A Mesa pola Normalización Lingüística denuncia o veto ao galego nuns premios convocados polo Ministerio de Educación
A Mesa pola Normalización Lingüística convocou unha concentración fronte á Delegación do Goberno para denunciar que o Ministerio de Educación exclúe dos Premios Arquímedes os traballos de fin de grao que non estean en castelán.
Fonte: Galicia Confidencial
O Concello do Grove organiza un obradoiro de lingua portuguesa para mellorar a atención aos turistas lusos
Este obradoiro de lingua portuguesa, de carácter gratuíto, comezará o día 20 de setembro e para asistir haberá que inscribirse previamente. Vai dirixido principalmente ás persoas que traballan na hostalería e no pequeno comercio da localidade co obxectivo de que melloren as súas capacidades comunicativas neste idioma.
Fonte: Galicia Cofidencial
A Deputación de Pontevedra anuncia a resolución das axudas para o fomento do galego en toda a provincia
A Deputación de Pontevedra repartirá 120 000 euros entre un total de 74 entidades sen ánimo de lucro para actividades de dinamización da lingua galega na provincia.
Fonte: Deputación de Pontevedra
Víctor Freixanes pide apoios para o funcionamento da Real Academia Galega
O presidente da Real Academia Galega, Víctor Freixanes, aproveitou unha reunión institucional para pedir máis apoios económicos para a institución e reclamou o compromiso das cidades galegas no uso do idioma.
Fonte: Galicia Confidencial
A editorial Laiovento comeza as súas publicacións dedicadas a Carvalho Calero
Con catro novos títulos, a editorial Laiovento comeza a serie de publicacións dedicadas ao autor Carvalho Calero a quen a Real Academia Galega dedicará o Día das Letras Galegas 2020.
Fonte: Cultura Galega
O presidente da RAG entrevístase coa alcaldesa da Coruña
O presidente da Real Academia Galega, Víctor Freixanes, mantivo o seu primeiro encontro institucional coa alcaldesa da Coruña, a socialista Inés Rey. O presidente agradeceu a sensibilidade mostrada pola rexedora e confiou en que a Academia e o Concello poidan compartir proxectos no futuro.
Fonte: RAG
Valentín García reúnese coas novas lectoras que se incorporan á Rede de Centros de Estudos Galegos neste curso académico
O secretario xeral de Política Lingüística, Valentín García, acompañado pola subdirectora xeral de Política Lingüística, Mª Lourdes Batán, recibiu no Pazo de San Roque as novas lectoras e lector que se incorporarán neste curso académico 2019-2020 á Rede de Lectorados e Centros de Estudos Galegos da Xunta de Galicia.
Fonte: O Portal da Lingua Galega
Boletín
Subscríbase ao boletín
