A Praza de España de Pontevedra acolleu a representación de Shrek o musical, a adaptación do famoso filme Shrek, que por primeira vez a produtora DreamWorks presentou en galego.

Fonte: Pontevedra Viva

O Servizo de Normalización Lingüística do Grove organiza unha actividade de dinamización lingüística para darlle visibilidade e impulsar o uso do galego no deporte e nos xogos entre as nenas e os nenos do municipio.

Fonte: Faro de Vigo

A sala de exposicións do Palacio Municipal de María Pita acolle unha mostra con obxectos de Georges Prosper Remi, máis coñecido polo seu pseudónimo, Hergé, e que inclúe todas as traducións ás que se realizaron as aventuras de Tintín e que supoñen un total de 121 linguas.

Fonte: El Ideal Gallego

O Concello de Pontevedra vai poñer en marcha varias iniciativas para facilitar a comunicación coas persoas xordas. Así, as visitas turísticas pola cidade contarán con intérpretes en lingua de signos. Ademais, prevese que o persoal municipal poida formarse neste ámbito para mellorar a atención á cidadanía con algún tipo de discapacidade auditiva.

Fonte: Pontevedra Viva

O vindeiro 19 de outubro o Museo de Pontevedra acollerá a IV Xornada de Onomástica Galega, organizada pola Real Academia Galega e que nesta edición estará dedicada aos nomes das rúas.

Fonte: CTNL

Un total de 56 obras presentouse á nova edición do Premio Torrente Ballester en galego, un galardón que convoca a Deputación da Coruña e que está dotado con 25 000 euros e a publicación da novela gañadora.

Fonte: Deputación da Coruña

A película O que arde do cineasta Óliver Laxe, rodada integramente en galego, exhibirase este outono no Festival de Cine de Nova York dentro do seu Panel Principal, onde competirá en versión orixinal con outros 28 filmes de 17 países diferentes.

Fonte: Cultura Galega

A Deputación da Coruña apoiará a distribución na provincia de setes filmes en lingua galega cunha nova liña de axudas. Os títulos que se beneficiarán desta convocatoria son O que arde, de Oliver Laxe; Hamada, de Eloy Domínguez; Arima, de Jaione Camborda; Longa noite, de Eloy Enciso, 7 Limbos, de Berio Molina e Alexandre Cancelo; A portuguesa, de Rita Azevedo; e Tempo Vertical, de Lois Patiño.

Fonte: Cultura Galega

O conselleiro de Cultura e Turismo, Román Rodríguez, e o presidente da Real Federación Galega de Fútbol (RFGF), Rafael Louzán, asinaron un convenio de colaboración destinado á promoción do galego.

Fonte: O Portal da Lingua Galega

A Concellaría de Normalización Lingüística organiza un ano máis o Curso de improvisación oral en verso e o Curso de narración oral, que se desenvolverán entre os meses de outubro de 2019 e maio de 2020.

Fonte: Concello de Vigo