O secretario xeral de Política Lingüística, Valentín García, visitou a mostra Os nove anos de Fraguas en Lugo, impulsada polo colectivo Egeria e por Galicia Dixital co apoio da Consellería de Cultura e Turismo no marco da programación conmemorativa das Letras Galegas 2019.

Fonte: O Portal da Lingua Galega

O Instituto Galego de Estatística (IGE) fixo públicos os datos do Módulo de coñecemento e uso do galego da Enquisa estrutural a fogares de 2018, que mostran a consolidación da lingua galega como idioma maioritario de Galicia. O conselleiro de Cultura e Turismo, Román Rodríguez, compareceu ante os medios para valorar os resultados.

Fonte: O Portal da Lingua Galega

 A Xunta de Galicia celebrou no Museo das Peregrinacións e de Santiago, situado na compostelá praza das Praterías, o Día Europeo das Linguas. Fíxoo cun acto durante o cal peregrinos e estudantes Erasmus procedentes de toda Europa recitaron poemas galegos da poetisa Rosalía de Castro traducidos a cadansúa lingua.

Fonte: O Portal da Lingua Galega

A Escola Municipal de Artes Escénicas e o Concello da Estrada convocan a sétima edición do Premio de Textos Teatrais Varela Buxán, que ten entre os seus obxectivos divulgar a vida e obra do dramaturgo Manuel Daniel Varela Buxán e fomentar o uso da lingua galega como ferramenta literaria.

Fonte: A Estrada na Rede

O filólogo, profesor e escritor Gonzalo Hermo, gaña a XIII edición do Premio Narrativa Breve Repsol en Lingua Galega pola súa obra Diario dun enterro. Así o deron a coñecer na Coruña o secretario xeral de Política Lingüística, Valentín García; o director da refinería de Repsol, Javier Sancho, e a voceira do xurado, a novelista e poeta Berta Dávila.

Fonte: O Portal da Lingua Galega

O secretario xeral de Política Lingüística, Valentín García, recibiu na Cidade da Cultura a 22 alumnos e a dúas profesoras do Instituto Santiago Apóstolo de Bos Aires que estes días visitan Galicia en viaxe de estudos.

Fonte: O Portal da Lingua Galega

Varios membros da Mesa pola Normalización Lingüística protestaron no centro comercial de Ikea na Coruña polo seu menosprezo cara ao galego, pois o catálogo nesta lingua só se atopa en atención ao cliente e devolucións.

Fonte: Sermos Galiza

O Centro Ramón Piñeiro para a Investigación en Humanidades (CRPIH) rendeulle homenaxe ao profesor, crítico literario e investigador Luís Alonso Girgado, con motivo da súa xubilación.

Fonte: O Portal da Lingua Galega

A Asociación Socio-Pedagóxica Galega organiza o XVIII Concurso de Relato Oral “Tíralle da Lingua”, un certame dirixido á comunidade educativa que ten como obxectivo normalizar o uso oral do galego para que se converta en instrumento normal de comunicación e creación de historias.

Fonte: Consello da Cultura Galega

O Servizo de Normalización Lingüística do Concello de Vigo ten previstas dúas actividades para os vindeiros meses: unha nova edición do curso “Achégate ao galego!”, dirixido a persoas con poucos coñecementos desta lingua; e o curso de literatura de transmisión oral “Somos herdeiros”, deseñado para difundir o noso patrimonio oral (cantigas, refráns, lendas, contos...).

Fonte: Vigo en Galego