Galicia
Un colectivo cultural de Burela pecha tras 36 anos de vida
O colectivo cultural Buril que naceu en 1983 para fomentar a lingua e cultura galegas en Burela pechou despois de 36 anos de actividade. O seu fondo documental será agora custodiado polo Concello de Burela.
Fonte: Xornal da Mariña
A Fundación Rosalía de Castro celebra a segunda edición dun festival que homenaxea a autora na súa Casa da Matanza
A Fundación Rosalía de Castro abrirá as portas da Casa da Matanza para celebrar a segunda edición do festival Abride a fiestra que renderá homenaxe á autora e celebrará a súa obra no aniversario do seu pasamento, o 15 de xullo.
Fonte: Praza Pública
Antón Reixa participa cun relatorio sobre sociolingüística nos cursos de galego "Galego sen fronteiras"
O produtor audiovisual Antón Reixa abordou o impacto de case catro décadas de televisión e de cinema en galego no relatorio que impartiu nos cursos de lingua e cultura galegas “Galego sen fronteiras” organizados pola Real Academia Galega e o Instituto da Lingua Galega.
Fonte: RAG
Valentín García participa na XIV Forxa Literaria, dedicada a Xosé Vázquez Pintor
O secretario xeral de Política Lingüística, Valentín García, participou na apertura da XIV Forxa Literaria. Encontros Culturais no Rural. Homenaxe a Xosé Vázquez Pintor, organizada pola Fundación Casa-Museo A Solaina de Piloño coa colaboración da Consellería de Cultura e Turismo.
Fonte: O Portal da Lingua Galega
‘Os Bolechas somos unha gran familia’ chega a Cerceda, A Laracha, Muros e Boqueixón
O Falaredes, o programa de dinamización que impulsa a Xunta de Galicia, chega a catro localidades da Rede de Dinamización Lingüística (RDL): Cerceda, A Laracha, Muros e Boqueixón.
Fonte: O Portal da Lingua Galega
Valentín García participa no nomeamento de tres novos xuíces honorarios do Couto Mixto
O secretario xeral de Política Lingüística, Valentín García, participou no nomeamento dunha nova xuíza e dous novos xuíces honorarios do Couto Mixto, lugar que considerou como “un dos símbolos de unión de galegos e portugueses, de dous pobos irmáns, na historia, na lingua e na cultura”.
Fonte: O Portal da Lingua Galega
Un encontro analiza o futuro dos medios alternativos en galego
A Escola Municipal de Artes e Oficios de Vigo acolleu un encontro organizado polo Colectivo Pertenza onde os directores de Galicia Confidencial, Praza Pública e Sermos Galiza reflexionaron sobre o futuro destes medios galegos e a importancia de apoiar e fomentar o uso da lingua galega na prensa dixital.
Fonte: Xornal de Vigo
A Asociación de Escritores en Lingua Galega homenaxea a poetisa Pilar Pallarés
A Asociación de Escritores en Lingua Galea homenaxeou a escritora coruñesa Pilar Pallarés que foi galardoada co premio Letra E que a acredita como socia de honra da entidade.
Fonte: La Opinión
O alumnado do curso "Galego sen fronteiras" coñeceu a Real Academia Galega
O alumnado do curso "Galego sen fronteiras", procedente de 70 países distintos, visitou a Real Academia Galega para coñecer a súa historia, no marco do encontro anual que celebra a institución en colaboración co Instituto da Lingua Galega da Universidade de Santiago de Compostela.
Fonte: Real Academia Galega
Preséntanse en Santiago 'Camiños de paixón', de Carlos Meixide
O compostelán Pazo de San Roque acolleu a presentación da obra Camiños de paixón, coa que Carlos Meixide se fixo co I Premio de Novela Camiño de Santiago, convocado pola Academia Xacobea e a Consellería de Cultura e Turismo co obxectivo de promover e divulgar a peregrinación e o fenómeno xacobeo.
Fonte: O Portal da Lingua Galega
Boletín
Subscríbase ao boletín
