Galicia
A Xunta e Xerais editan os textos gañadores dos últimos premios Álvaro Cunqueiro e Manuel María de literatura dramática
A Xunta e Edicións Xerais acaban de publicar en réxime de coedición os dous títulos galardoados cos últimos premios de literatura dramática Álvaro Cunqueiro e Manuel María, As oito da tarde, cando morren as nais, de AveLina Pérez, e Somos os monstros, de Paula Carballeira, respectivamente.
Fonte: O Portal da Lingua Galega
Díaz Mouteira subliña a riqueza etnográfica dos entroidos galegos e convida á participación no desfile de exaltación desta festa que percorrerá as rúas ourensás
O secretario xeral de Política Lingüística, Valentín García, e a delegada territorial da Xunta en Ourense, Marisol Díaz Mouteira, participaron na presentación da primeira edición do Desfile dos entroidos tradicionais de Galicia en Ourense.
Fonte: O Portal da Lingua Galega
O décimo informe 'Nós no mundo' pon o foco na relevancia da lusofonía para a acción exterior de Galicia
O secretario xeral de Política Lingüística, Valentín García, e o director do Instituto Galego de Análise e Documentación Internacional (IGADI), Daniel González, presentaron no Pazo de San Roque o informe anual de acción exterior de Galicia Nós no mundo. A lusofonía en Galicia e mais o Informe anual do IGADI 2018-2019. En rumbo de colisión.
Fonte: O Portal da Lingua Galega
Chega a terceira tempada das Sesións Destelo, unha iniciativa coa que dar a coñecer música feita en galego
Arranca a terceira edición das Sesións Destelo, un proxecto dixital que ten como obxectivo dar a coñecer bandas e solistas que fan música en galego. NeoRural, un tema do grupo vigués Bakarrá!, é o primeiro dos vídeos que forman parte desta nova tempada.
Fonte: Destelo
O Observatorio de Neoloxía da Universidade de Vigo identifica máis de 2000 neoloxismos en galego no último ano
Segundo un informe do Observatorio de Neoloxía da Universidade de Vigo, no último ano identificaron para o galego un total de 2144 novas palabras, extraídas dun corpus de análise constituído por varias publicacións en liña, o que demostra a vitalidade desta lingua, comparable á doutras como o español ou o portugués.
Fonte: Universidade de Vigo
A Deputación de Pontevedra publica a resolución das axudas para a promoción do galego na Administración local
A Deputación de Pontevedra publicou a resolución da convocatoria de axudas destinadas aos concellos e outras entidades locais da provincia para a creación ou o mantemento de servizos de normalización lingüística, ou o desenvolvemento de programas de dinamización do galego.
Fonte: Consello da Cultura Galega
Danse a coñecer as persoas gañadoras do II Concurso de microrrelatos convocado pola Real Academia Galega e PuntoGal
Jessica Rodríguez Sánchez, Óscar Fernández Freire e Claudia Martínez Asenjoson son as persoas gañadoras dos tres primeiros premios, nas modalidades de adultos, xuvenil e infantil, do II Concurso de microrrelatos convocado pola Real Academia Galega e PuntoGal co obxectivo reforzar a presenza da lingua e da identidade galegas no mundo dixital.
Fonte: Real Academia Galega
A Universidade de Santiago organiza unha nova edición do seu concurso de curtametraxes en galego
A Universidade de Santiago convoca a oitava edición do concurso ‘Somos a curta!’, enfocado cara ao cinema do real, co obxectivo de fomentar o uso da lingua galega no ámbito audiovisual. Poderá participar neste certame o alumnado das tres universidades galegas e o do bacharelato artístico e das diferentes escolas de Imaxe e Son de Galicia.
O Festival Cannes proxectará por primeira vez un filme en galego
O Festival de Cannes proxectará en competición na súa vindeira edición, que se celebrará entre os días 14 e 25 de maio, por vez primeira un filme galego e en galego, a obra O que arde do director Óliver Laxe.
Fonte: Faro de Vigo
Política Lingüística súmase en Portas á homenaxe a Domingo Fontán no 231º aniversario do seu nacemento
O secretario xeral de Política Lingüística, Valentín García, participou en Portas na homenaxe que a Asociación Cultural e Deportiva Domingo Fontán lle rendeu, con motivo do 231º aniversario do seu nacemento, ao autor da Carta xeométrica de Galicia, o primeiro mapa moderno e elaborado con métodos matemáticos do noso territorio.
Fonte: O Portal da Lingua Galega
Boletín
Subscríbase ao boletín
