Galicia
Só un de cada seis concellos galegos conta con servizo de normalización lingüística
Segundo datos do Consello da Cultura Galega, actualmente dos 313 concellos de Galicia só 52 contan cun servizo de normalización lingüística. Destes pouco máis dun terzo dispoñen de persoal funcionario ou fixo, o que se traduce en inestabilidade nestes departamentos.
Fonte: Praza Pública
A Xunta convoca axudas por valor de 170 000 euros para a edición de recursos didácticos curriculares en lingua galega
A Xunta de Galicia vén de convocar unha liña de axudas para a edición en lingua galega de recursos didácticos curriculares e complementarios para niveis non universitarios. As subvencións, cun importe total de 170 000 euros, van dirixidas a empresas do sector editorial que dispoñan dun departamento de edición na Comunidade.
Fonte: O Portal da Lingua Galega
Unha empresa ofrece traducións gratuítas de páxinas web ao galego con motivo do Día das Letras Galegas
A empresa ferrolá Englishpanish ofreceralle á súa clientela ata finais de ano tradución gratuíta das súas páxinas web ao galego ata un máximo de 1000 palabras. Trátase dunha campaña que ten como obxectivo fomentar o uso desta lingua no ámbito dixital empresarial.
Fonte: Sermos Galiza
Segundo un informe, case 2000 persoas aprenden galego en 16 países estranxeiros
Segundo o informe de Estratexia Galega de Acción Exterior Horizonte 2020 para a promoción do idioma, case 2000 persoas aprenden galego en 16 países estranxeiros, aos que habería que sumar arredor de 1500 que o fan en diferentes zonas de España.
Fonte: Galicia Confidencial
Publícase un documento coas conclusións dos XXI Encontros para a Normalización Lingüística
O Consello da Cultura Galega publicou un documento coas conclusións dos XXI Encontros para a Normalización Lingüística, celebrados os días 4 e 5 de abril e que estiveron dedicados á divulgación científica en galego.
Fonte: Consello da Cultura Galega
A Radio Galega emitirá no Día das Letras os traballos dos centros gañadores do Concurso de Podcasts elaborados na biblioteca escolar
A Radio Galega emitirá o Día das Letras Galegas os podcasts dos centros premiados no I Concurso de Podcasts, convocado pola Consellería de Educación, Universidade e Formación Profesional para os centros educativos públicos que participan no programa Radio na Biblio ou, de non facelo, que conten con emisora de radio escolar.
Fonte: O Portal da Lingua Galega
Román Rodríguez enxalza a figura de Antón Fraguas como "home das institucións e dos retos da vida pública"
O conselleiro de Cultura e Turismo, Román Rodríguez, participou no acto de apertura da mostra Antonio Fraguas Fraguas. Letras Galegas 2019 no Museo do Pobo Galego.
Fonte: O Portal da Lingua Galega
Valentín García asiste ao acto literario do Día das Letras Galegas da USC
O secretario xeral de Política Lingüística, Valentín García, asistiu en representación da Consellería de Cultura e Turismo ao acto literario do Día das Letras Galegas da Universidade de Santiago de Compostela.
Fonte: O Portal da Lingua Galega
O Portal da Lingua Galega difunde 12 vídeos de conversas con Antonio Fraguas
O Portal da Lingua Galega, www.lingua.gal, da Consellería de Cultura e Turismo, difunde na súa sección dedicada ás Letras Galegas do ano 2019 os 12 vídeos de conversas con Antonio Fraguas pertencentes ao proxecto Antonio Fraguas, da aldea á Academia.
Fonte: O Portal da Lingua Galega
A Xunta resalta a figura e legado de Antonio Fraguas na defensa da cultura e a lingua galegas
O vicepresidente da Xunta, Alfonso Rueda, acompañado pola directora da Escola Galega de Administración Pública, Sonia Rodríguez-Campos, presidiu a homenaxe a Antonio Fraguas na tradicional celebración do Día das Letras Galegas feita pola Escola Galega de Administración Pública (EGAP).
Fonte: O Portal da Lingua Galega
Boletín
Subscríbase ao boletín
