Galicia
Un cento de estudantes do programa de promoción da lingua galega no Bierzo e Sanabria visitan Galicia
O secretario xeral de Política Lingüística, Valentín García, recibiu, no Museo das Peregrinacións de Santiago, a 122 estudantes e 10 docentes chegados do Bierzo e Sanabria, onde estudan a lingua propia de Galicia no marco dun programa de promoción da lingua galega nestas comarcas que se desenvolve ao abeiro do Protocolo xeral de colaboración entre a Xunta de Galicia e a Junta de Castilla y León.
Fonte: O Portal da Lingua Galega
A exposición e guía didáctica do IES Álvaro Cunqueiro (Vigo) dará a coñecer entre o alumnado de secundaria a figura de Fraguas
A conselleira de Educación, Universidade e Formación Profesional, Carmen Pomar, e o secretario xeral de política Lingüística, Valentín García, entregaron o premio do Concurso-Exposición das Letras Galegas ao IES Álvaro Cunqueiro polo traballo Insuela, nun acto celebrado neste instituto vigués.
Fonte: O Portal da Lingua Galega
O Concello de Santiago abre o prazo para participar no concurso #Fotolingua
O Concello de Santiago pon en marcha a cuarta edición do #Fotolingua, un concurso que ten como obxectivo darlles visibilidade aos establecementos comerciais da cidade comprometidos co emprego da lingua galega.
Daniel Barral recibe o primeiro premio do certame Manuel Murguía de narrativa breve
O secretario xeral de Política Lingüística, Valentín García, participou no acto de entrega dos premios do 28º Certame de Narracións Breves Manuel Murguía, que convoca o Concello de Arteixo co apoio da Consellería de Cultura e Turismo.
Fonte: O Portal da Lingua Galega
Anxo M. Lorenzo participa na presentación do documental 'Revisitando a Antonio Fraguas'
O director xeral de Políticas Culturais, Anxo M. Lorenzo, participou na presentación do documental Revisitando a Antonio Fraguas, un proxecto audiovisual dirixido por Gonzalo Veloso que apoia a Consellería de Cultura e Turismo no marco da programación institucional Letras Galegas 2019 da Xunta de Galicia.
Fonte: O Portal da Lingua Galega
A Xunta de Galicia convoca bolsas de formación nos lectorados de lingua, literatura e cultura galegas en cinco universidades
A Consellería de Cultura e Turismo convocará cinco bolsas de formación en lectorados de lingua, literatura e cultura galegas de universidades do Brasil, Portugal, Italia, Alemaña e Croacia por un importe de 238 595,40 euros para un período de tres anos.
Fonte: Galicia Confidencial
O Festival Arte pola Igualdade nas Letras Galegas chega á súa VIII edición na Coruña
O Festival Arte pola Igualdade nas Letras Galegas, impulsado polas consellerías de Cultura e Turismo e de Educación, Universidade e Formación Profesional, chega á súa VIII edición para homenaxear nesta ocasión a Antonio Fraguas.
Fonte: O Portal da Lingua Galega
O Gaiás festexa as Letras Galegas emitindo polas redes unha lectura participativa da obra de Antonio Fraguas
A Cidade da Cultura de Galicia súmase á celebración do Día das Letras Galegas cunha lectura participativa e polas redes sociais, o mesmo 17 de maio, de obras do homenaxeado neste 2019, Antonio Fraguas (Cerdedo, 1905 –Santiago de Compostela, 1999).
Fonte: O Portal da Lingua Galega
Cultura e Colectivo Egeria lembran a pegada de Antonio Fraguas na cidade de Lugo
O secretario xeral de Política Lingüística, Valentín García, asistiu, no IES Lucus Augusti, ao acto de presentación do proxecto-homenaxe “Os nove anos de Fraguas en Lugo”.
Fonte: O Portal da Lingua Galega
Os centros de infantil e primaria afondarán na figura de Antonio Fraguas cunha guía didáctica do CEIP Xesús San Luís Romero de Carballo
A conselleira de Educación, Universidade e Formación Profesional, Carmen Pomar, e o secretario xeral de política Lingüística, Valentín García, entregaron o premio do Concurso-Exposición das Letras Galegas ao CEIP Xesús San Luís Romero (Carballo), nun acto celebrado no propio centro educativo.
Fonte: O Portal da Lingua Galega
Boletín
Subscríbase ao boletín
