O secretario xeral de Política Lingüística, Valentín García, asistiu ao acto organizado pola Irmandade Xurídica Galega e pola Asociación de Funcionarios para a Normalización Lingüística, en colaboración coa Secretaría Xeral de Política Lingüística da Consellería de Cultura e Turismo e co Concello, para conmemorar a primeira sentenza en lingua galega ditada nos xulgados da vila.

Fonte: O Portal da Lingua Galega

O secretario xeral de Política Lingüística, Valentín García, asistiu á presentación da nova antoloxía de poesía galega Arrincando marcos 2019, que sae do prelo co apoio da Secretaría Xeral de Política Lingüística no marco da iniciativa do mesmo nome que busca dar a coñecer a poesía da Galicia actual en Portugal como medio de superar as barreiras que nos separan deste país.

Fonte: O Portal da Lingua Galega

O campus de Vigo acolleu unha reunión da Comisión Interuniversitaria de Política Lingüística, centrada na posibilidade de que a partir do vindeiro curso 2019-2020 as tres universidades conten con itinerarios en lingua galega en varios graos.

Fonte: Universidade de Vigo

O Concello do Grove convoca a XXVI edición do premio de novela curta en galego Manuel Lueiro Rey, un galardón dotado con 3000 euros e a publicación da obra gañadora a través da Editorial Xerais.

Fonte: Faro de Vigo

Tal e como estableceron as bases da sétima edición do certame de declaracións de amor en galego na rede dirixido á mocidade Lingua de namorar, Padrón acolleu o acto de entrega de premios, no que participaron o secretario xeral de Política Lingüística, Valentín García; a directora xeral de Xuventude, Participación e Voluntariado, Cristina Pichel; e o delegado territorial, Ovidio Rodeiro.

Fonte: O Portal da Lingua Galega

A Secretaría Xeral de Política Lingüística convoca as probas, que se realizarán en xuño en Santiago e Ponferrada, para a obtención dos certificados de lingua galega (niveis Celga 1, 2, 3 e 4) no ano 2019.

Fonte: Consello da Cultura Galega

Todos os grupos políticos con representación no Parlamento de Galicia votaron a favor de manter como requisito o coñecemento do galego para obter un emprego na Administración autonómica.

Fonte: La Voz de Galicia

A 4ª edición do Festival Internacional Kerouac volve levar a poesía en lingua galega en diálogo con outras artes a Nova York, do 3 ao 6 de abril. A directora do evento, Vanessa Álvarez, acompañada polo secretario xeral de Política Lingüística, Valentín García, presentou este festival.

Fonte: O Portal da Lingua Galega

A Coordinadora de Traballadores/as de Normalización da Lingua envioulles aos partidos políticos con implantación en Galicia as súas propostas en materia de fomento do galego na Administración local, para que estes as teñan en conta á hora de elaborar os seus programas electorais para as vindeiras eleccións municipais.

Fonte: CTNL

Os centros de secundaria de Ames acollerán obradoiros de regueifa impartidos por Josinho da Teixeira, Sara Marchena e Lupe Blanco no marco do proxecto Enreguéifate. En sesións duns 90 minutos de duración preténdese transmitirlle á mocidade xeitos de improvisación oral tradicionais e, ao mesmo tempo, revitalizar o uso da lingua galega.

Fonte: Concello de Ames