Galicia
A Universidade de Vigo porá en marcha unha web que recollerá máis de seis millóns de topónimos
A Universidade de Vigo, co apoio do Instituto de Estudos Miñoranos, vai poñer en marcha unha páxina web sobre microtoponimia e talasonimia, e máis unha topopedia.
Fonte: Código Cero
A lingua galega chega aos nenos e nenas de 18 concellos a través da música, da maxia e da poesía de Bocaberta
A maxia, a poesía e a música son as protagonistas desta semana de Bocaberta, o programa co que a Secretaría Xeral de Política Lingüística busca favorecer o uso do galego entre os rapaces e as rapazas dos 3 aos 18 anos.
Fonte: Xunta de Galicia
A edición en galego cae un 21,6 % en 2010
O galego recúa no negocio editorial. A produción de libros caeu un 21,6% en 2010. Publicáronse menos títulos, 2.788, dos cales só o 51,25% están en galego.
Fonte: A Nosa Terra
A plataforma GalegoLab anima a comunidade internauta a apoiar a lingua galega a través dos seus proxectos
A plataforma GalegoLab está a mobilizar os seus membros coa arela de impulsar os seus proxectos en fase de desenvolvemento. Cómpre lembrar que tanto estas iniciativas pendentes de pulo como as que xa están rematadas colleron corpo grazas ao labor conxunto da comunidade de integrantes de GalegoLab.
Fonte: Código Cero
A lingua galega conecta coas últimas tendencias do cine documental a través do festival internacional Play-Doc
A Secretaría Xeral de Política Lingüística colabora co Festival Internacional de Documentais de Tui, Play-Doc, na promoción do uso do galego.
Fonte: Xunta de Galicia
A maxia e a música serán algúns dos ingredientes principais das próximas propostas de dinamización lingüística de Bocaberta
Maxia, música e banda deseñada: estes son os principais ingredientes da programación que ten preparada para esta semana Bocaberta, o programa de dinamización do uso do galego que a Secretaría Xeral de Política Lingüística dirixe aos mozos e mozas de 3 a 18 anos.
Fonte: Xunta de Galicia
Política Lingüística aposta pola formación en liña para impulsar a aprendizaxe do galego entre a poboación adulta
A Secretaría Xeral de Política Lingüística iniciou os cursos en liña preparatorios para as probas de certificación de lingua galega no nivel Celga 1.
Fonte: Xunta de Galicia
Anxo Lorenzo inaugura en Lugo o VI Seminario de Dinamización Lingüística, que tamén se realiza esta semana na Coruña e en Vigo
O responsable de Política Lingüística, Anxo Lorenzo, inaugurou en Lugo o VI Seminario de Dinamización Lingüística no Ensino, unha iniciativa que “busca favorecer o intercambio e a posta en común de proxectos de fomento do uso do galego que se están a desenvolver desde o ámbito educativo”, asegurou o secretario xeral.
Fonte: Xunta de Galicia
Tres videomatóns recollerán as opinións da comunidade universitaria de Santiago de Compostela sobre a situación do galego
A Comisión de Normalización Lingüística da Facultade de Ciencias da Comunicación está a organizar tres sesións de videomatón, nas que se recollerán as opinións da comunidade universitaria sobre a situación da lingua galega.
A plataforma Prolingua inicia unha campaña para que o centro comercial Marineda City use o galego na súa comunicación
A plataforma de defensa da lingua galega Prolingua iniciou unha campaña de sensibilización para que os promotores do centro comercial Marineda City da Coruña empreguen o galego na súa comunicación.
Fonte: A Nosa Terra
Boletín
Subscríbase ao boletín
