Galicia
A Mesa pola Normalización Lingüística gaña o II Premio Rosalía de Castro de Lingua
A Mesa pola Normalización Lingüística recibiu esta distinción "pola súa traxectoria de 25 anos en defensa da normalización da lingua galega".
Fonte: La Opinión
Os XIII Encontros para a Normalización Lingüística reflexionan sobre o papel dos concellos na promoción do uso do galego
O responsable de Política Lingüística, Anxo Lorenzo, participou en Santiago de Compostela na inauguración dos XIII Encontros para a Normalización Lingüística, que nesta edición teñen como un dos seus principais centros de interese o papel dos concellos na promoción do uso do galego.
Fonte: Xunta de Galicia
Xa está en marcha o servizo de videointerpretación para persoas xordas no Rexistro Xeral e mais na web da Xunta
A Secretaría Xeral de Modernización vén de informar da posta en funcionamento dunha tecnoloxía encamiñada a favorecer a Administración electrónica entre o colectivo galego de persoas con diversidades funcionais auditivas. Trátase dun sistema de videointerpretación en lingua de signos para persoas xordas, posto en marcha no Rexistro Xeral da Xunta e a través do portal corporativo.
Fonte: Código Cero
A Universidade de Santiago de Compostela presenta unha web sobre a frecuencia e distribución dos apelidos en Galicia
Saber o número de persoas que levan un apelido nun determinado municipio galego ou coñecer como se distribúe un patronímico en Galicia xa é posible grazas á ferramenta en liña denominada "Cartografía dos apelidos de Galicia", creada polo Instituto da Lingua Galega da Universidade de Santiago de Compostela (ILG).
Fonte: ABC
Unha mostra analiza a historia da lingua galega e os dereitos lingüísticos
A exposición itinerante A Lingua Galega. Historia e Dereitos Lingüísticos, organizada pola Deputación da Coruña, permanecerá no municipio de Oleiros ata o vindeiro 14 de maio.
Fonte: La Opinión
A Consellería de Educación formará o alumnado para obter a certificación en linguas estranxeiras no marco do programa CUALE
A Consellería de Educación e Ordenación Universitaria formará a partir do vindeiro curso o alumnado de centros sostidos con fondos públicos que desexen obter unha certificación oficial do seu coñecemento de linguas estranxeiras.
Fonte: Xunta de Galicia
Bocaberta propón unha semana de maxia e banda deseñada en galego para celebrar as 700 actividades do programa
O programa de dinamización lingüística Bocaberta proponlle á xente miúda unha semana co mellor da maxia e da banda deseñada en galego.
Fonte: Xunta de Galicia
O IES Fraga do Eume convida o secretario xeral de Política Lingüística a participar na Semana das Letras Galegas do centro
O secretario xeral de Política Lingüística, Anxo Lorenzo, participou na Semana das Letras Galegas que organiza o IES Fraga do Eume, unha iniciativa coa que este centro educativo de Pontedeume se suma á conmemoración do 17 de maio. Fíxoo cun relatorio para o alumnado de bacharelato e 4º da ESO, onde tivo ocasión de falarlles aos estudantes da situación actual da lingua galega.
Fonte: Xunta de Galicia
Vegalsa-Eroski e Política Lingüística colaboran na incorporación da lingua galega ao ámbito socioeconómico
A Secretaría Xeral de Política Lingüística e a empresa Vegalsa-Eroski anunciaron a vontade das dúas entidades de colaborar na incorporación do uso do galego ao ámbito socioeconómico.
Fonte: Xunta de Galicia
O Correlingua arrincou en Santiago de Compostela cunha xornada na que participaron arredor de 4000 rapaces
Arredor de catro mil rapaces participaron na xornada inaugural de Correlingua, que acolleu Santiago de Compostela. Calcúlase que ao cabo do ciclo, previsto ata o 13 de maio, arredor duns 45.000 escolares secunden a iniciativa, destinada a reivindicar o uso da lingua galega no ensino.
Fonte: Galicia Hoxe
Boletín
Subscríbase ao boletín
