Galicia
O sector dos traballadores autónomos implícase na extensión da lingua galega no ámbito socioeconómico
O responsable de Política Lingüística, Anxo Lorenzo, e representantes da directiva da Federación de Autónomos de Galicia (Feaga) veñen de manter un encontro no que tiveron ocasión de analizar os termos do convenio subscrito polas dúas entidades en 2011.
Fonte: Xunta de Galicia
Carballo, Cabana, Malpica, Ponteceso e Zas editan unha guía con propostas de lecer en galego para rapaces e rapazas
Os Servizos de Normalización Lingüística dos Concellos de Carballo, Cabana, Malpica, Ponteceso e Zas continúan colaborando no desenvolvemento de accións para a promoción do galego. Desta volta coa edición de "Un verán de lecer", unha guía con propostas de lectura, música, banda deseñada e xogos para o lecer do alumnado destas comarcas durante o verán.
Fonte: Concello de Carballo
A Xunta de Galicia afirma que apoia e potencia o ensino do galego na diáspora
O expresidente da Irmandade Galega de Venezuela, Eduardo Meilán, manifestou o seu temor a que a crise poña en perigo a aprendizaxe do galego entre os emigrantes residentes nese país.
Fonte: La Voz de Galicia
O profesorado colaborador de Política Lingüística fórmase para titorizar os primeiros cursos en liña de linguaxes específicas
A Secretaría Xeral de Política Lingüística organiza unhas xornadas para capacitar o seu profesorado colaborador na titorización dos primeiros cursos en liña de linguaxes específicas.
Fonte: Xunta de Galicia
A parroquia viguesa de Saiáns recupera o seu patrimonio toponímico
A parroquia viguesa de Saiáns recupera o seu patrimonio toponímico nun libro do profesor Gonzalo Navaza editado polo Instituto de Estudos Miñoranos (IEM) en colaboración coa Área de Normalización Lingüística e a Comunidade de Montes de Saiáns.
Fonte: Galicia Hoxe
O Instituto de Ensino Secundario A Paralaia de Moaña reparte mandís entre os bares que apoian o galego
Os alumnos de cuarto de ESO do IES A Paralaia presentaron o resultado do seu traballo na campaña "Receitas para a Lingua". No marco deste proxecto traduciron as receitas de ata trece establecementos colaboradores. Para agradecérllelo, repartirán mandís e bolsas de tea co logo da campaña entre todos estes negocios.
Fonte: Faro de Vigo
A lingua galega acompaña os máis novos na súa viaxe de iniciación polo deporte do xadrez
Aprender a xogar ao xadrez de forma doada, pedagóxica e en lingua galega. Ese é o principal obxectivo de Xadrez para Todos, unha colección de manuais para o ensino do xadrez nos ámbitos educativo, deportivo e lúdico.
Fonte: Xunta de Galicia
A Irmandade Xurídica Galega convoca a súa IV asemblea, un encontro a prol do galego que homenaxeará a Fermín Bouza Brey
A Deputación de Pontevedra acolle o vindeiro 2 de xullo a IV Asemblea da Irmandade Xurídica Galega. No encontro incorporaranse 25 novos membros a este colectivo que defende a normalización da lingua galega na xustiza.
Fonte: Culturagalega.org
A Consellería de Educación disporá de máis de 300 auxiliares de conversa no Plan galego de potenciación das linguas estranxeiras
O Plan de potenciación das linguas estranxeiras, co que a Consellería de Educación e Ordenación Universitaria está a potenciar que todas as galegas e galegos adquiran competencias noutros idiomas, contará o vindeiro curso 2011/2012 co apoio de máis de 300 auxiliares de conversa.
Fonte: Xunta de Galicia
Comezan as probas de certificación do coñecemento da lingua galega con máis de 4000 matriculados
As probas para obter a certificación do coñecemento de lingua galega (Celga) comezaron cun total de 4132 persoas matriculadas en Galicia, no resto de España e en Europa.
Fonte: Xunta de Galicia
Boletín
Subscríbase ao boletín
