O Concello de Ferrol publica as bases da vixésima edición deste certame de carácter bianual que ten como obxectivo promover a creación literaria e a investigación lingüística.

Fonte: Consello da Cultura Galega

Baixo el título "O Galego na onda", inténtase promover a reflexión sobre a lingua galega e a súa valoración positiva entre os alumnos do Concello do Carballiño.

Fonte: Faro de Vigo

A plataforma Prolingua denuncia o incumprimento do Concello de Redondela da ordenanza do uso do galego "na sinalización dos edificios municipais, na rotulación viaria de competencia municipal e en varios anuncios do Centro Deportivo Serviocio".

Fonte: Faro de Vigo

A Universidade de Santiago informou da adaptación ao galego dunha suite de ferramentas informáticas para facilitar a análise econométrica escrita na linguaxe de programación C.

Fonte: Código Cero

O Concello de Ourense celebrará a Festa da Lingua cun programa de actividades que incluirá propostas vinculadas ao mundo da maxia, á ilustración, ao cine e aos xogos populares. O programa da festa, que busca promover o uso do galego, foi presentado no Concello de Ourense pola concelleira de Cultura e Educación, Ana Garrido.

Fonte: La Voz de Galicia

O Certame de Canción de Autor en Galego, que convocou este ano por vez primeira o Concello de Teo, xa ten gañadora. Alba María impúxose aos outros sete finalistas e poderá gravar un disco de oito temas.

Fonte: Culturagalega.org

O Servizo de Normalización Lingüística da Universidade de Santiago de Compostela presenta os datos sobre usos lingüísticos nos traballos de investigación (teses, traballos de fin de grao e traballos de fin de mestrado) relativos ao pasado ano 2013.

Fonte: Consello da Cultura Galega

A Consellería de Cultura, Educación e Ordenación Universitaria, por medio da Secretaría Xeral de Política Lingüística, vén de publicar no Diario Oficial de Galicia (DOG) a orde do 31 de marzo de 2014 pola que se establecen as bases reguladoras para a concesión de subvencións para a edición en lingua galega de recursos didácticos para niveis non universitarios e se procede á súa convocatoria.

Fonte: Xunta de Galicia

O conselleiro de Cultura, Educación e Ordenación Universitaria, Xesús Vázquez Abad, salientou no Parlamento de Galicia que é prioridade e responsabilidade do departamento que dirixe garantir unha axeitada oferta de cursos para a obtención do certificado Celga”, un total neste momento de 91 cursos con 1910 alumnas e alumnos.

Fonte: Xunta de Galicia

O Servizo de Normalización Lingüística da Universidade da Coruña convoca o I Concurso de Monólogos en Lingua Galega, co obxectivo de promover o uso do galego entre a comunidade universitaria e premiar a súa creatividade e calidade lingüística.

Fonte: Consello da Cultura Galega