Galicia
O Club de Debate dinamizará lingüística e culturalmente centros de ensino de once concellos galegos
A quinta edición do Club de Debate chega a once concellos galegos a través dos servizos de normalización lingüística co obxectivo de fomentar a fluidez comunicativa en galego.
Fonte: Consello da Cultura Galega
A Secretaría Xeral de Política Lingüística réndelle homenaxe póstuma ao tradutor ferrolán Ramón Lugrís
O libro Ramón Lugrís. Sempre Galicia, Sempre Europa, sobre este tradutor e xornalista recentemente falecido, presentouse no salón de actos da Secretaría Xeral de Política Lingüística.
Fonte: Xunta de Galicia
O Proxecto Dragal promove o galego a través das TIC en seis centros de ensino
O Proxecto Dragal, impulsado pola Secretaría Xeral de Política Lingüística, é unha iniciativa multimedia e multidisciplinar que están a desenvolver os equipos de dinamización lingüística de centros de ensino galegos.
Fonte: Consello da Cultura Galega
A Universidade de Santiago presenta un traballo terminolóxico en galego sobre criminoloxía
O Servizo de Normalización Lingüística da Universidade de Santiago de Compostela edita unha obra terminolóxica sobre criminoloxía en galego.
Fonte: Galicia Confidencial
A segunda edición do concurso ‘Inventa en galego’ premia a innovación científica feita entre a mocidade e na nosa lingua
A entrega de premios da segunda edición do concurso ‘Inventa en galego’, co que colabora a Secretaría Xeral de Política Lingüística, celebrouse na Coruña, nun acto no que tamén se entregaron os premios ‘Sensores para todos’, que perseguen facer unha utilización tecnoloxicamente interesante dos sensores de Arduino ou Lego.
Fonte: Xunta de Galicia
Nos últimos cinco anos quintuplicáronse as solicitudes de axudas á investigación en lingua galega
Co obxectivo de incentivar e visibilizar o galego na ciencia, as universidades galegas, co apoio da Consellería de Cultura, Educación e Ordenación Universitaria, convocan axudas á investigación en lingua galega.
Fonte: Universidade de Vigo
Yoigo inclúe o galego entre as linguas nas que emitirá as facturas para os seus clientes
A compañía de telecomunicacións incluirá o galego entre os idiomas nos que emite as facturas aos clientes logo de reiterados convites feitos pola Mesa pola Normalización Lingüística.
Fonte: Sermos Galiza
A Coordinadora de Traballadores/as de Normalización da Lingua cumpre vinte anos
Cúmprense vinte anos dende a celebración da primeira asemblea da Coordinadora de Traballadores/as de Normalización da Lingua (CTNL).
Fonte: CTNL
O Concello de Pontevedra organiza unha nova edición do programa de dinamización lingüística Ben Veñas, Maio
No programa de fomento do galego Ben Veñas, Maio participarán os once IES e CIFP públicos de Pontevedra. O programa inclúe certames de fotografía, banda deseñada, narración curta, poesía, teatro e música.
Fonte: Concello de Pontevedra
O XXXII Premio de Poesía Cidade de Ourense galardoará obras en lingua galega ou portuguesa
Os traballos poderán presentarse en lingua galega ou portuguesa ata o vindeiro 22 de abril e o gañador recibirá un premio de 6000 euros e a publicación da obra.
Fonte: Galicia Confidencial
Boletín
Subscríbase ao boletín
