Mundo

Islandia celebra o día da súa lingua nacional

Islandia celebra o Día da Lingua Islandesa con multitude de actos culturais e académicos. Esta data conmemora o nacemento do poeta islandés Jónas Hallgrímsson (1807-1845).

Fonte: Iceland Review

A BBC anuncia unha expansión das súas emisións en 11 novas linguas estranxeiras

O servizo mundial da BBC prepárase para emitir en 11 novas linguas, dando así inicio á maior expansión en termos de difusión para o estranxeiro desde a Segunda Guerra Mundial, anunciou a estación pública británica.

Fonte: BBC

O galego súmase a outros idiomas "non hexemónicos" nun acto de resistencia na India

O galego, xunto a outras linguas como o esloveno, o maltés ou o bengalí, estiveron presentes nun acto de resistencia celebrado na India co obxectivo de destacar os desafíos aos que se enfronta a tradución poética.

Fonte: El Diario

O ministro de Asuntos Exteriores de Portugal declara que o portugués se enfronta a desafíos e problemas serios

O ministro de Asuntos Exteriores de Portugal, Augusto Santos Silva, declarou que a lingua portuguesa, unha das máis faladas do mundo, presenta problemas serios como a incomprensión entre falantes de diferentes variedades ou a difusión do seu ensino en diferentes lugares onde é lingua oficial.

Fonte: Jornal de Negócios

Marrocos presenta o maior nivel de dominio de inglés de todo o norte de África

O informe anual de Education First revelou que en toda a rexión do norte de África e Oriente Medio, Marrocos rexistra un dos mellores índices de dominio da lingua inglesa.

Fonte: Morocco World News

O Quebec aprobará en breve novas regras de uso do francés para os establecementos comerciais

O Goberno do Quebec anunciou que as novas leis que regulan o uso do francés nos rótulos comerciais obrigarán as empresas con nomes exclusivamente en inglés a engadir un rótulo tamén en francés.

Fonte: CBC

Un informe revela que un enfoque máis comunicativo axudaría a resolver a crise do ensino das linguas estranxeiras no Reino Unido

Un informe realizado por un organismo especializado no ensino de linguas estranxeiras mostra que adoptar un enfoque que se centre máis en vocabulario práctico e conversas do día a día axudaría a manter o interese polas linguas estranxeiras no sistema educativo do Reino Unido.

Fonte: TES

O Goberno do Canadá quere actualizar as leis que rexen o uso institucional das linguas inglesa e francesa

O primeiro ministro do Canadá, Justin Trudeau, anunciou a actualización das normas que rexen o uso institucional das linguas inglesa e francesa por parte do Goberno.

Fonte: CBC

Un novo organismo loitará polo desenvolvemento do éuscaro en Iparralde

Nace Euskal Elkargoa, unha nova institución que loitará pola promoción e o desenvolvemento do éuscaro no País Vasco francés.

Fonte: Noticias de Guipuzkoa

Unha mobilización demandará a inclusión do occitano no Museo das Civilizacións de Europa de Marsella

O Museo das Civilizacións de Europa e do Mediterráneo de Marsella non emprega a lingua occitana desde a súa inauguración en 2013. Unha acción simbólica reivindicará o seu uso no mes de decembro por medio do despregamento dunha bandeira co artigo 14 da Declaración Universal dos Dereitos Humanos en lingua occitana.

Fonte: Jornalet

Boletín

Subscríbase ao boletín

Logo Feder