Mundo
Timor Leste quere que o portugués sexa a primeira lingua do país
O primeiro ministro de Timor Leste, Rui Maria de Araújo, quere converter o portugués na primeira lingua máis falada do país asiático. Actualmente o tetún é o idioma principal do país.
Fonte: Agência Brasil
Organizacións a favor da lingua serbia en Montenegro senten discriminación por motivos lingüísticos
Organizacións a favor da lingua serbia de Montenegro defenden que o Ministerio de Educación de Montenegro é partidario dunha imposición do montenegrino e do alfabeto latino nas escolas.
Fonte: Balkan Insight
Un municipio alentexano organiza un festival para fomentar a lingua portuguesa
O municipio alentexano de Almodôvar organiza o festival "Escritas do Sul" co que pretende promover a lingua portuguesa por medio de conferencias, obradoiros e outras iniciativas ao longo de cinco días.
Fonte: Sulinformação
Convócase a segunda edición do premio de tradución ao occitano
A editorial de literatura en lingua occitana Letras d'Òc acaba de convocar a segunda edición do premio de tradución ao occitano de obras non francófonas. A obra gañadora recibirá un premio de mil euros.
Fonte: Jornalet
Dinamarca quere introducir un programa de clases de lingua dinamarquesa para nenos de dous anos
A ministra de Educación de Dinamarca, Ellen Trane Nørby, declarou que o país nórdico pretende introducir un programa de clases de dinamarqués para nenos a partir dos dous anos de familias orixinarias doutros países.
Fonte: Independent
Gales interésase pola política de promoción do éuscaro no País Vasco
O Goberno de Gales quere inspirarse nas políticas de protección e promoción do éuscaro no País Vasco para o desenvolvemento dunha planificación lingüística que permitirá chegar ao millón de falantes de galés.
Fonte: Euskadi
Un estudo revela que algunhas materias do ensino secundario do País de Gales non dispoñen aínda de materiais en galés
Unha enquisa realizada por un sindicato educativo do País de Gales revela que moitos dos novos libros que se deberían empregar este ano no ensino secundario non están aínda traducidos ao galés. Esta situación resulta discriminatoria para o alumnado que cursa todas as materias en lingua galesa.
Fonte: BBC
Un partido da esquerda portuguesa quere que a lingua de signos poida ofrecerse como actividade extraescolar
O partido portugués Bloco de Esquerda quere mellorar a inclusión e a integración da comunidade de xordos e propuxo con este fin que a lingua de signos poida ser ensinada nas escolas como actividade extraescolar.
Fonte: RTP
Unha reforma educativa permitirá que os escolares turcos de quinto ano reciban ensino de linguas
Turquía quere aprobar medidas no ámbito da educación que permitirán que os escolares de quinto ano do ensino elemental poidan ter docencia en linguas como o turco, o inglés, o alemán, o francés e o árabe.
Fonte: Hurriyet Daily News
Unha universidade a distancia da India ofrecerá estudos de lingua coreana
A Universidade Aberta Indira Gandhi (Indira Gandhi National Open University) da India ofrecerá estudos a distancia de cultura e lingua coreanas.
Fonte: The Korea Times
Boletín
Subscríbase ao boletín