Lusofonía
A Xunta e o Instituto Camões colaborarán para certificar o nivel de portugués do alumnado galego
O conselleiro de Cultura, Educación, FP e Universidades, Román Rodríguez, avanzou que a Xunta de Galicia vai establecer unha colaboración co Instituto Camões que permita a certificación para o alumnado galego que curse lingua portuguesa no sistema educativo galego.
Fonte: Xunta de Galicia
Preto de 150 estudantes participan no primeiro Encontro Lusófono organizado polo Instituto IES Alfredo Brañas de Carballo
O secretario xeral de Política Lingüística, Valentín García, participou no primeiro Encontro Lusófono promovido desde o Equipo de Dinamización da Lingua Galega e os departamentos de Lingua Galega e Literatura, así como de Xeografía e Historia, do Instituto IES Alfredo Brañas de Carballo coa colaboración da Xunta de Galicia.
Fonte: O Portal da Lingua Galega
Luxemburgo conmemora o Día Internacional da Lingua Portuguesa con música lusófona
O Centro Cultural Portugués Camões de Luxemburgo, en colaboración coa Embaixada de Portugal e a Embaixada de Cabo Verde, realizará un concerto de música lusófona para celebrar o Día Mundial da Lingua Portuguesa, data proclamada pola Unesco.
Fonte: Bom dia
Cada vez máis persoas migrantes procedentes de países de lingua oficial portuguesa desexan traballar en Portugal
A ministra de Traballo de Portugal, Ana Mendes Godinho, informou de que se está a incrementar o número de persoas migrantes procedentes de países de lingua oficial portuguesa que queren vivir e traballar en Portugal.
Fonte: Mundo Lusíada
O festival cultural Converxencias Portugal-Galicia homenaxea a Rosalía de Castro ás dúas beiras do Miño
A 9ª edición do festival cultural Converxencias Portugal-Galicia homenaxeará a Rosalía de Castro nas localidades de Braga (Portugal), Ponteareas e Santiago de Compostela a través da música, da danza, do teatro, do cine, dos faladoiros, da poesía, das exposicións e das visitas guiadas.
Fonte: O Portal da Lingua Galega
O presidente do Parlamento galego reúnese co presidente da Asemblea Lexislativa de Portugal para amosarlle o interese de Galicia por afondar nas relacións coa lusofonía
O presidente do Parlamento de Galicia reuniuse en Lisboa co presidente da Asemblea Lexislativa da República de Portugal ao que lle trasladou o interese de Galicia por afondar nas relacións cos países e comunidades de lingua portuguesa.
Fonte: Parlamento de Galicia
A Universidade do Porto edita un libro de portugués como lingua non materna
A casa editorial da Universidade do Porto publicou o ensaio Português Língua Não Materna: Contextos, Estatutos e Práticas de Ensino numa Visão Crítica. A obra pretende ofrecer ás lectoras e lectores unha perspectiva actualizada do ensino do portugués en varios países.
A Xunta reforza o portugués en Galicia coa posta en marcha do Observatorio da Lusofonía Valentín Paz Andrade
O Goberno galego segue traballando no cumprimento da Lei 1/2014, do 24 de marzo, para o aproveitamento da lingua portuguesa e vínculos coa lusofonía, coñecida comunmente como Lei Paz Andrade.
Fonte: O Portal da Lingua Galega
Portugal apela á participación de todas as nacións lusófonas na internacionalización da lingua portuguesa
O secretario de Estado da Cooperación de Portugal, Francisco André, defendeu o compromiso de todos os estados da comunidade lusófona nos proxectos do Instituto Internacional da Lingua Portuguesa (IILP) para a promoción e internacionalización do portugués.
Fonte: Notícias ao Minuto
A Xunta porá en marcha o vindeiro ano o observatorio da lusofonía Valentín Paz Andrade
A Xunta porá en marcha o Observatorio da lusofonía Valentín Paz Andrade o vindeiro ano, tras o cumprimento de todos os trámites precisos e as correspondentes audiencia e información públicas. Creado co obxectivo de servir como instrumento de consenso para adoptar medidas relacionadas coa lusofonía en Galicia, a nova entidade dependerá da Vicepresidencia Segunda e Consellería de Presidencia, Xustiza e Deportes e terá a vicepresidencia a cargo da consellería competente en Política Lingüística.
Fonte: O Portal da Lingua Galega
Boletín
Subscríbase ao boletín
