O ministro de Asuntos Exteriores de Portugal confirmou que, segundo se estipula nos orzamentos do Estado para 2025, o Camões – Instituto da Cooperación e da Lingua contará cunha partida de 39 millóns para a promoción da lingua portuguesa.

Fonte: O Minho

O presidente da Xunta, Alfonso Rueda, apostou por darlles un maior impulso ás relacións sociais, culturais e económicas cos países lusófonos e defendeu que Galicia cumpre todas as condicións para exercer un papel relevante como “ponte” entre o mundo lusófono e os países hispanos. Así o manifestou durante a presentación e constitución do Observatorio da lusofonía Valentín Paz Andrade, un órgano que estará integrado polas entidades galegas relevantes na relación con estes países -tanto a nivel lingüístico como noutros eidos- e que terá como obxectivo asesorar a Xunta, formular plans de acción e deseñar actividades de coñecemento ou de intercambio.

Fonte: O Portal da Lingua Galega

Con motivo das celebracións do quinto Centenario do Nacemento de Camões, os Centros de Lingua Portuguesa de Maputo, Mozambique, organizan as "Olimpíadas Camonianas", un concurso sobre a vida e obra do literato portugués.

Fonte: O País

O presidente da Xunta, Alfonso Rueda, participou no acto conmemorativo do 70 aniversario da inauguración da estatua en homenaxe a Rosalía de Castro na cidade de Porto, onde destacou que a obra da autora galega transcendeu fronteiras, sendo un exemplo de irmandade entre os pobos galego e portugués, unidos por unha historia, cultura e lingua compartidas.

Fonte: O Portal da Lingua Galega

O autor mozambicano Mia Couto gañou a última edición do premio FIL de Literatura en Linguas Románicas de México. O galardón ten a contía de 150 mil euros.

Fonte: VOA

"Línguas africanas que fazem o Brasil" é o título da nova exposición do Museo da Lingua Portuguesa de São Paulo que fala das contribucións africanas na lingua portuguesa falada no Brasil.

Fonte: Brasil de Fato

O presidente de Timor Leste, José Ramos-Horta, declarou nunha visita oficial a Mozambique que a expansión e popularización da lingua portuguesa entre a poboación é un dos grandes desafíos do seu executivo.

Fonte: Notícias ao Minuto

O Pazo de San Roque, en Santiago de Compostela, acolleu a presentación da XIV edición do Castro Galaico-Festival de Nogueiró, organizado polo Grupo Canto D’Aqui e o Centro de Estudos Galegos da Universidade do Minho.

Fonte: O Portal da Lingua Galega

O alumnado que estude portugués como primeira ou segunda lingua estranxeira nos centros educativos galegos poderá acreditar de xeito gratuíto o seu nivel lingüístico a partir do vindeiro curso, a través do Instituto Camões.

Fonte: Xunta de Galicia

O conselleiro de Cultura, Lingua e Xuventude, José López Campos, garantiu no Parlamento de Galicia que o Goberno galego continuará desenvolvendo e fortalecendo os vínculos coa lusofonía.

Fonte: O Portal da Lingua Galega