A Casa da Lusofonía de Vigo acollerá o 17 de xuño Conexões, un coloquio impulsado pola mocidade de oito territorios de fala portuguesa que buscan combater o descoñecemento mutuo grazas á lingua e ao intercambio cultural.

Fonte: Nós Diario

O secretario xeral de Política Lingüística, Valentín García, participou na presentación do volume Galiza e(m) nós. Estudos para a comprensão do relacionamento cultural galego-português, unha iniciativa levada a cabo polos tres centros da Rede de Centros de Estudos Galegos da Xunta activos en Portugal.

Fonte: O Portal da Lingua Galega

O Premio Fernão Mendes Pinto (PFMP 2022) da Asociación de Universidades de Lingua Portuguesa (AULP, polas súas siglas en portugués) recompensará con 8000 euros os traballos que contribúan á aproximación entre países pertencentes á Comunidade de Países de Lingua Oficial Portuguesa (CPLP).

Fonte: Universidade Federal do Pará

O conselleiro de Cultura, Educación e Universidade, Román Rodríguez, e o embaixador de Portugal en España, João António da Costa, mantiveron unha reunión de traballo co obxectivo de afianzar a estreita colaboración en proxectos lingüísticos e educativos entre Galicia e o país veciño.

Fonte: O Portal da Lingua Galega

A Asociación de Docentes de Portugués en Galicia (DPG, polas súas siglas en portugués) demandou ao secretario xeral de Política Lingüística, Valentín García, que  se incremente o número de prazas de portugués nas oposicións e que, por primeira vez, se dispoña de profesorado de portugués no ensino primario.

Fonte: Nós Diario

Case 5000 persoas estudan portugués de forma oficial en Galicia ao abeiro das medidas postas en funcionamento pola Xunta en cumprimento da Lei 1/2014, do 24 de marzo, para o aproveitamento da lingua portuguesa e vínculos coa lusofonía, coñecida comunmente como Lei Paz Andrade.

Fonte: O Portal da Lingua Galega

O Consello da Cultura Galega presentou o proxecto 'Meniños Cantores 2', despois de 16 anos da súa primeira edición. Trátase dunha iniciativa coa que se pretende recuperar o patrimonio oral galego-portugués na que participan 17 centros educativos da fronteira entre Galicia e Portugal.

Fonte: Galicia Confidencial

O Museo Etnolóxico de Ribadavia acolle a exposición «Fábulas de Almada Negreiros », composta por diferentes ilustracións do referente da arte moderna portuguesa José de Almada Negreiros.

Fonte: O Portal da Lingua Galega

Os Premios de podcasts en galego e portugués Xosé Mosquera Pérez "O vello dos contos" están dirixidos a alumnado de primaria (quinto e sexto curso) e secundaria de Galicia, así como de centros que imparten ensinanzas de galego de réxime xeral fóra da comunidade. Tamén pode participar o alumnado de 10 a 18 anos dos centros educativos públicos do norte de Portugal.

Fonte: Consello da Cultura Galega

A gala aRi[t]mar Galiza e Portugal chega á súa sexta edición cun espectáculo protagonizado por mulleres que reunirá no Auditorio de Galicia as cantantes Guadi Galego e Cláudia Pascoal e as poetas Rosalía Fernández Rial e Márcia, as catro premiadas nas categorías de mellor música e poesía galega e portuguesa do pasado ano, respectivamente.

Fonte: O Portal da Lingua Galega