O certame "Tíralle da lingua" está dirixido á comunidade educativa e ten como obxectivo normalizar o uso oral do galego e contribuír a que esta lingua se converta en instrumento normal de comunicación e creación de historias no ámbito educativo.

Fonte: Consello da Cultura Galega

O Concello de Santiago de Compostela organiza un obradoiro de carácter práctico dirixido a nais e pais que desexen coñecer materiais educativos para poder realizar unha crianza en galego.

Fonte: Consello da Cultura Galega

O Concello de Bueu organiza as xornadas «Bueu e a fala: o galego 3.0», que pretenden ofrecer unha reflexión arredor do emprego do galego nas redes e nos novos medios, así como a primeira edición do certame «Mergullándonos no TikTok», co obxectivo de fomentar o uso desta lingua entre a mocidade aproveitando o éxito desta rede social.

Fonte: Concello de Bueu

Por terceiro ano celébrase este certame que repartirá 1800 euros en premios e que ten como obxectivos impulsar a creatividade entre a xente nova, animar a creación de vídeos en galego a través de novos formatos e visibilizar a comunidade tiktoker galega.

Fonte: Concello de Ames

Ata o 28 de outubro permanecerá aberto o prazo para participar na segunda edición destes galardóns aos que poden presentarse centros educativos de Educación Primaria e Secundaria de Galicia, así como de fóra que impartan a lingua galega.

Fonte: Galicia Confidencial

O secretario xeral de política Lingüística, Valentín García, participou na presentación do proxecto didáctico musical De aquí para alá, creado pola pedagoga da Linguaxe e a Educación Musical Lydia Botana.

Fonte: O Portal da Lingua Galega

A comunidade educativa xa ten á súa disposición a axenda escolar para o curso 2022-2023, así como calendarios escolares, en formato anual, trimestral e mensual, materiais en lingua galega para axudar a organizar o novo curso.

Fonte: Consello da Cultura Galega

O Servizo de Normalización Lingüística anima a aprender xogando a través dunha serie de pasatempos en galego, con adiviñas, labirintos, sopas de letras... para que a volta ás aulas sexa máis divertida.

Fonte: Consello da Cultura Galega

A Facultade de Educación e Traballo Social do campus de Ourense puxo en marcha o pasado curso esta iniciativa co dobre obxectivo de fomentar o uso do galego e a reflexión crítica sobre temas de interese social. Para esta nova edición están programadas tres sesións centradas en “realidades invisibilizadas” coa participación das escritoras An Alfaya, Paula Carballeira e Eva Mejuto.

Fonte: Universidade de Vigo

O partido SINN Féin de Irlanda do Norte recibiu varias propostas para abrir novas escolas de inmersión en gaélico irlandés e duplicar así o número de centros deste tipo.

Fonte: Belfast media