Aragón
Búscase promover o aragonés través de actividades culturais, conferencias e axudas á investigación
O Goberno de Aragón busca a colaboración das entidades locais a través de protocolos cos que pór en marcha actuacións que conduzan á normalización da lingua aragonesa. A organización de seminarios ou a concesión de axudas para a investigación son algunhas das accións propostas.
Fonte: Heraldo
O Goberno de Aragón solicita a actualización dos aragonesismos no dicionario da Real Academia Española
O Goberno de Aragón confirmou que a comunidade volverá formar parte da Fundación Pro Real Academia Española da Lingua, a través da que apoiar as accións lingüísticas da institución. Así mesmo, o Goberno aragonés solicitará a actualización dos aragonesismos presentes no dicionario da Real Academia Española.
Fonte: El Periódico de Aragón
Convócase o premio "Espiello Agora x l'aragonés" á mellor película en lingua aragonesa
A finais de marzo de 2018 poderán visualizarse as películas participantes no premio "Espiello Agora x l'aragonés", unha iniciativa que nace co obxectivo de promover o patrimonio lingüístico aragonés e fomentar a creación audiovisual nesta lingua.
Fonte: AraInfo
Cada vez hai menos familias que lles transmiten a lingua aragonesa ás novas xeracións
Aínda que existen moitas zonas nas que o aragonés é a lingua de uso nas relacións persoais e sociais, en xeral obsérvase que preto dun terzo dos fablans (falantes do aragonés) xa non lles transmiten a lingua como herdanza aos seus descendentes.
Fonte: AraInfo
Un convenio de colaboración fomentará o uso da lingua aragonesa en persoas adultas
A comarca aragonesa de Alto Gállego, en colaboración coa asociación cultural Calibo, firmaron un novo convenio de colaboración a través do que promover a ensinanza da lingua aragonesa entre as persoas adultas.
Fonte: Heraldo
Presentan un documental que recolle a memoria da literatura en lingua aragonesa dende o século XIV
O documental 'Recosiros I. Biblioteca de autores en aragonés', que foi presentado na Facultade de Ciencias Humanas e da Educación de Huesca, foi realizado como homenaxe aos escritores dos séculos XIV ao XX, a fin de fomentar a cultura e a lingua aragonesas.
Fonte: Heraldo
Fórmase unha asociación para reivindicar o uso do chapurriau e a súa separación do catalán
O sábado 24 de marzo de 2018 celebrouse a presentación oficial da Asociación Cultural Amigos do Chapurriau, que nace co obxectivo de reclamar o chapurriau como a lingua falada nas rexións aragonesas de Valderrobres e Matarraña.
Fonte: La Comarca
Zaragoza celebrará unha feira para promover o uso da lingua aragonesa
O próximo 14 de abril de 2018 celébrase a primeira Feira Agora x l'aragonés, un evento organizado pola Dirección Xeral de Política Lingüística do Goberno de Aragón e o Concello de Zaragoza co fin de promover o uso da lingua aragonesa.
Fonte: El Periódico de Aragón
Unha película de debuxos animados gaña o premio Espiello Agora x l’aragonés
O premio Espiello Agora x l'aragonés foi organizado co obxectivo de premiar o mellor audiovisual gravado, dobrado ou subtitulado en lingua aragonesa, a fin de promover o seu uso neste ámbito. A película Lo Gorroroi recibiu o primeiro premio, que ademais é o primeiro filme de debuxos animados realizado nesta lingua.
Fonte: Ara Info
Comeza un curso virtual para promover o uso da lingua aragonesa e dar a coñecer a súa situación lingüística
Ante o éxito da primeira edición do curso en liña 'Introdución á lingua aragonesa', a Fundación Aragonesa para a Formación e o Emprego (Araforem) puxo en marcha unha nova edición, a través da cal se busca promover o uso desta lingua e dar a coñecer a súa situación.
Fonte: El Periódico de Aragón
Boletín
Subscríbase ao boletín