Aragón
O Goberno de Aragón convocará os premios de literatura en linguas aragonesa e catalá
O Goberno de Aragón, a través da Dirección Xeral de Política Lingüística, convocará os premios de literatura Arnal Cavero en aragonés e Guillem Nicolau en catalán. Os dous premios contan cunha dotación de 3 000 euros cada un.
Fonte: El Periódico de Aragón
O Goberno de Aragón impulsa dous concursos literarios en lingua aragonesa
O Goberno de Aragón impulsou dous concursos de literatura en aragonés, que están relacionados coa creación dunha obra en lingua aragonesa ou ben coa tradución de calquera obra ao aragonés. O premio é de 3000 euros e a posible publicación da creación literaria polo Goberno de Aragón.
Fonte: Heraldo
A lingua aragonesa estará presente na segunda edición do Festival de Poesía de Zaragoza
O Festival de Poesía Contemporánea de Zaragoza "Soñar 2017" tratará, entre outras cuestións, a poesía da muller e a lingua aragonesa. Respecto ao aragonés, realizarase un recital no que grandes poetas confirmarán cos seus poemas o patrimonio lingüístico de Aragón. O acto terá lugar entre os días 9 e 17 de setembro de 2017.
Fonte: aragondigital.es
A Dirección Xeral de Política Lingüística de Aragón explicará a súa política lingüística nas Cortes
O director xeral de Política Lingüística de Aragón, Xosé Ignacio López Susín, comparecerá nas Cortes a petición do PP e Ciudadanos. Na súa intervención, o director explicará a política lingüística do Goberno aragonés.
Fonte: El Periódico de Aragón
Apróbase o uso da lingua catalá na televisión pública de Aragón
As Cortes de Aragón aprobaron unha resolución pola que se establece o uso da lingua catalá na televisión pública da Comunidade aragonesa.
Fonte: El Confidencial Autonómico
O Concello de Huesca organiza obradoiros de lingua e cultura aragonesas para o alumnado de 3º de Educación Infantil
Este obradoiro de acercamento á lingua e a cultura aragonesas está dirixido ao alumnado de 3º de Infantil (5 e 6 anos) dos centros educativos públicos e concertados de Huesca e comarca, unha iniciativa á que, de momento, se sumaron catro colexios da capital.
Fonte: El Diario
Entréganse uns premios literarios para reivindicar as linguas de Aragón
O Goberno de Aragón entregou cinco premios literarios cos que busca normalizar as tres linguas que conviven na Comunidade: o castelán, o aragonés e o catalán. De feito, este ano recuperáronse dous premios relacionados coas linguas aragonesa e catalá.
Fonte: El Periódico de Aragón
O alumnado que estuda lingua aragonesa incrementouse un 80 % nos dous últimos anos
O ensino de lingua aragonesa nos centros educativos de Aragón, que cumpre 20 anos, experimentou un crecemento do 80 % no número de alumnos e alumnas respecto ao ano 2015. Ademais, ampliáronse as localidades nas que se ensina esta lingua.
Fonte: El Periódico de Aragón
Un estudo alerta da perda de falantes de aragonés
Segundo un informe, a porcentaxe da poboación que sabía falar aragonés en 2001 era do 18,6 %, mentres que, unha década despois, en 2011, esa porcentaxe descendera ata o 5,6%.
Fonte: El Periódico de Aragón
Zaragoza impulsará un plan de dobre rotulación das rúas para fomentar o uso da lingua aragonesa
O Concello de Zaragoza está a impulsar un plan de fomento do uso e coñecemento do aragonés, que conta con diversas actuacións. Entre elas, salienta a dobre rotulación dalgunhas rúas e a promoción do Día da Lingua Aragonesa.
Fonte: El Periódico de Aragón
Boletín
Subscríbase ao boletín
