Aragón
Segundo un estudo, o actual modelo educativo pon en risco a supervivencia do aragonés
Este estudo, realizado pola Universidade de Zaragoza, conclúe que o sistema educativo supón un perigo para a supervivencia do aragonés polas limitacións que lle impón a esta lingua.
Fonte: Aragón Digital
Aragón renova o seu convenio coa Generalitat de Cataluña para impulsar o ensino do catalán nos centros educativos
O Goberno de Aragón renovou o seu convenio coa Generalitat para fomentar o ensino do catalán en centros de ensino públicos das comarcas orientais que limitan con Cataluña.
Fonte: ABC
O aragonés converterase nunha nova materia de lingua no Bacharelato
O Goberno de Aragón aprobou o novo plan de estudos para o Bacharelato que inclúe a incorporación da materia de lingua aragonesa para o alumnado do norte da rexión.
Fonte: ABC
Case un centenar de centros educativos ofrecerán o vindeiro curso catalán ou aragonés
O Goberno de Aragón deu a coñecer a listaxe de centros educativos que impartirán ensinanzas nas linguas da comunidade: aragonés e catalán.
Fonte: El Periódico de Aragón
A Oficina da Lingua Aragonesa elabora un folleto informativo con dúbidas sobre o aragonés
O Concello de Huesca, a Comarca de la Hoya de Huesca e o Goberno de Aragón editaron arredor de 7000 exemplares deste folleto sobre o aragonés.
Fonte: Diario de Alto Aragón
O Boletín Oficial de Aragón publica o borrador dos estatutos que rexerán a Academia Aragonesa da Lingua
A Academia Aragonesa da Lingua estará composta por 15 académicos/as que velarán pola utilización e o fomento do aragonés e o catalán, e establecerá as normas referidas ao uso correcto de ambas.
Fonte: El Periódico de Aragón
Descende o uso do catalán na zona oriental de Aragón
Segundo os resultados da enquisa realizada polas universidades de Zaragoza, Tarragona e Lleida, o uso do catalán nas comarcas orientais de Aragón (coñecidas como La Franja) descendeu nos últimos anos.
Fonte: La Vanguardia
As Escolas Oficiais de Idiomas de Aragón incluirán o aragonés na súa oferta
No Boletín Oficial de Aragón (BOA) anunciouse que as Escolas Oficiais de Idiomas da comunidade engadirán a ensinanza e avaliación do aragonés á súa oferta a partir do seguinte curso.
Fonte: El Periódico de Aragón
Zaragoza xa conta coa Oficina do Aragonés para defender e difundir a lingua aragonesa
O conselleiro de Economía e Cultura, Fernando Rivarés, e o voceiro do grupo municipal CHA, Carmelo Asensio, manifestaron que xa se creou a Oficina do Aragonés, que buscará, entre outras cuestións, dignificar a lingua aragonesa, recoñecer o idioma como elemento da riqueza cultural de Zaragoza ou favorecer o seu uso escrito e oral tanto no ámbito público como privado.
Fonte: Ayuntamiento de Zaragoza
O Goberno de Aragón aumenta o orzamento para promover o aragonés e o catalán nas escolas
O Goberno de Aragón dedicará un 70% máis do seu orzamento para promover a lingua aragonesa e catalá de Aragón nas escolas. En concreto, o programa "O aragonés na aula" sumarase aos programas Luzia Dueso e Jesús Moncada, relacionados co aragonés e o catalán, respectivamente.
Fonte: El Diario
Boletín
Subscríbase ao boletín
