Aragón
A asociación cultural Nogará demanda unha maior presenza do aragonés nos medios de difusión do Concello de Zaragoza
A Asociación Cultural Nogará-Religada esixe por parte do Concello de Zaragoza un maior emprego do aragonés nos medios de difusión e unha maior sensibilización e difusión da lingua mediante campañas, actividades culturais e outras accións.
Fonte: AraInfo
Bielsa solicita ao Goberno de Aragón a declaración do municipio como zona de utilización histórica predominante do aragonés
O Pleno Municipal de Bielsa aprobou solicitar ao Goberno a declaración de municipio de utilización histórica do aragonés. Bielsa súmase así aos municipios de Mianos, Val d’Echo, Fonz, Caldearenas, Santa Cilia, Arguis, Boltaña, Broto e Almudévar.
Fonte: AraInfo
Un equipo de tres filólogos elaborará a nova ortografía da lingua aragonesa
Un lingüista español, un francés e outro suízo foron os escollidos polo Goberno de Aragón para crear unha ortografía que unifique as tres que existen actualmente para escribir en aragonés.
Fonte: La Voz de Asturias
As escolas de Aragón poderán dar clases en catalán e en aragonés
O Goberno de Aragón recoñeceu unha nova categoría para estas dúas linguas como idiomas vehiculares, o cal permitirá que as escolas de Aragón impartan as clases en catalán ou en aragonés.
Fonte: Público
O Instituto de Estudos Aragoneses celebra o sétimo encontro de investigacións sobre o aragonés
Neste sétimo encontro de estudos e investigacións sobre a lingua aragonesa debaterán temas relacionados coa lingüística e a literatura.
Fonte: Radio Huesca
A comarca de Jacetania reivindícase como zona de utilización histórica da lingua aragonesa
Esta comarca de Huesca solicitoulle ao Goberno de Aragón que declare o territorio como zona de utilización histórica da lingua aragonesa, pois esa é a lingua tradicional dos municipios da comarca.
Fonte: El Periódico de Aragón
O Goberno de Aragón crea un premio para galardoar escritores aragoneses en lingua catalá
O premio Guillem Nicolau galardoará escritores aragoneses en lingua catalá. Este premio, unido ao creado en abril (premio Desideri Lombarte) para galardoar as persoas que promovan o catalán, formalizan a aposta do Goberno pola promoción desta lingua.
Fonte: ABC
Os alumnos de Infantil de varias localidades de Aragón poderán estudar en aragonés
O Goberno de Aragón puxo en marcha en cinco centros do Pireneo un proxecto piloto que permitirá que algunhas materias de Infantil se impartan utilizando o aragonés como lingua vehicular.
Fonte: Diario del Alto Aragón
O Concello de Huesca promove o aragonés mediante a convocatoria do I Premio Pedro Lafuente
A convocatoria do I Premio Pedro Lafuente, un certame literario en aragonés, ten como obxectivo reivindicar o traballo deste polifacético autor.
Fonte: Heraldo
O Goberno de Aragón presenta no Parlamento Europeo un informe sobre a situación do aragonés e o catalán
O Parlamento Europeo comprometeuse a colaborar co Goberno de Aragón para mellorar a situación das linguas minoritarias que se falan nesta comunidade, aragonés e catalán.
Fonte: Aragón Digital
Boletín
Subscríbase ao boletín
