Asturias
O Mercado Artesán e Ecolóxico de Xixón acolle actividades de promoción da lingua e as tradicións asturianas
O Mercado Artesán e Ecolóxico de Xixón, que se celebrou os días 15 e 16 de agosto na Praza Maior, acolleu unha nova edición de «A mercar cola Llingua», un xogo participativo a través de códigos QR que ten como obxectivo promover o asturiano e as tradicións do Principado.
Fonte: La Voz de Asturias
A RTPA e a Consellería de Cultura convocan proxectos de produción para promover o asturiano
A Radiotelevisión do Principado de Asturias, en colaboración coa Consellería de Cultura, Política Lingüística e Turismo, lanzan unha convocatoria, á que se destinarán 133 800 euros, de proxectos de produción cultural en lingua asturiana.
Fonte: RTPA
Un proxecto do IES N.º 1 de Xixón gaña o III Premio Fierro Botas á mellor idea normalizadora do asturiano
O proxecto Estaciones, creado por cinco alumnos de 4.º da ESO do IES N.º 1 de Xixón, conseguiu o III Premio Fierro Botas á mellor idea normalizadora do asturiano. O proxecto consistía en bolsas con poemas sobre as estacións do ano e un glosario con termos nesta lingua relacionados con elas.
Fonte: La Nueva España
O Concello de Xixón aproba o seu Plan de normalización lingüística
O Plan de normalización lingüística de Xixón 2020/2023 establece medidas para aplicar de xeito progresivo e consensuado, co obxectivo de ir introducindo o uso do asturiano na Administración e promover a súa utilización en ámbitos menos habituais como o empresarial ou o universitario.
Fonte: El Comercio
Os partidos políticos que integran o Parlamento de Asturias non solicitarán o servizo de interpretación de asturiano na cámara
As diferentes foracións políticas que integran os escanos do Parlamento de Asturias declararon que non solicitarán o servizo de interpertación de linguas para traducir intervencións de asturiano ao español na cámara.
Fonte: La Voz de Asturias
A poeta canadense Anne Carson recibe o Premio Princesa de Asturias das Letras
A poeta, ensaísta e tradutora canadense Anne Carson venceu o Premio Princesa de Asturias das Letras deste ano. A escritora é recoñecida como unha das grandes poetas en lingua inglesa da actualidade e é firme candidata a recibir o Premio Nobel.
Fonte: Observador
O Principado de Asturias oficializa o dereito a usar a lingua asturiana no parlamento autonómico
A Xunta Xeral do Principado de Asturias aprobou por 27 votos a favor, 13 en contra e 5 abstencións, a reforma do Regulamento da Cámara para garantir o dereito a usar o asturiano no parlamento autonómico.
Fonte: Público
O Principado de Asturias pide entrar no Consello de Linguas Oficiais
O Goberno do Principado de Asturias solicitou formalmente ao Estado español a incorporación desta comunidade autónoma no Consello de Linguas Oficiais, o órgano estatal que se encarga de velar polo uso dos idiomas oficiais na administración.
Fonte: El Comercio
O Consello Regulador da DOP Sidra de Asturias aposta polo uso do asturiano na súa nova campaña publicitaria
«La sidra, con mazana d'Asturies. Pidi sidra con denominación d'orixe, lo auténtico» é o lema da campaña publicitaria de verán impulsada polo Consello Regulador da DOP Sidra de Asturias, que nesta ocasión apostou polo emprego do asturiano sumándose así a outras marcas comerciais que tamén escolleron esta lingua para uso publicitario.
Fonte: El Comercio
O Consello Asesor de Política Lingüística do Principado constituirase en setembro
Varias foron as cuestións relativas á lingua asturiana que tiveron que adiarse a causa da pandemia do coronavirus, pero que agora, coa chegada da nova normalidade, van retomarse. Por unha banda, o arranque do Consello Asesor de Política Lingüística, que se constituirá en setembro; e, por outra, o debate sobre a reforma do regulamento para permitir o uso do asturiano na Cámara.
Fonte: La Voz de Asturias
Boletín
Subscríbase ao boletín
